Барыс Джонсан заявіў, што ў яго пагоршыўся зрок праз каранавірус
7- 26.05.2020, 12:36
- 14,010
Цяпер прэм'еру Вялікабрытаніі даводзіцца насіць акуляры.
Прэм'ер-міністр Вялікабрытаніі Барыс Джонсан абвясціў, што праз каранавірусную інфекцыю ў яго пагоршыўся зрок.
Пра гэта ён сказаў падчас брыфінгу ў панядзелак, паведамляе "Еўрапейская праўда" са спасылкай на Sky News.
"Мне даводзіцца насіць акуляры ўпершыню за шмат гадоў. Я схільны думаць, што, цалкам верагодна, на зрок паўплываў каранавірус", - заявіў Барыс Джонсан, выцягнуўшы з кішэні пінжака акуляры.
Boris Johnson says since his own #COVID19 recovery he is "having to wear spectacles for the first time in years."
— SkyNews (@SkyNews) May 25, 2020
The PM says he believes eyesight can be a problem associated with the virus.
Live: https://t.co/o2ukjTDxRh pic.twitter.com/Ot9lb5kLiQ
У красавіку Джонсан правёў тыдзень у шпіталі праз заражэнне каранавірусам - у тым ліку некалькі дзён у аддзяленні інтэнсіўнай тэрапіі.
Джонсан распавёў пра сваю праблему, адказваючы на пытанне аб неадназначнай паездцы свайго ключавога памочніка Дамініка Камінгса. Яна выклікала скандал у Брытаніі, бо дарадца прэм'ера парушыў карантынныя абмежаванні.
Камінгс заяўляў, што адправіўся ў больш як 400-кіламетровую паездку за межы Лондана, каб праверыць, ці аднавіўся ягоны зрок пасля хваробы. Камінгс таксама хварэў на каранавірус.
Журналіст пытаўся Джонсана, ці думае ён, што публіка паверыць у такое апраўданне, і ці павінен Камінгс сысці ў адстаўку.