«Ямы Беларусі»: дарогі, дзе зрабілі рамонт, але лепш бы не пачыналі
6- 23.05.2020, 16:40
- 36,590
Фотафакт.
У сэрвісе «Ямы Беларусі» новыя фатаграфіі: якія ўжо сталі традыцыйнымі дарогі, там дзе яшчэ нічога не зроблена, але ёсць і сведчанні пачатку дарожнага рамонту, праўда назваць яго можна толькі «цяп-ляп». Паглядзіце самі.
Гомельская вобласць, горад Калінкавічы, вуліца Энгельса. Ліўневы сцёк усталяваны вышэй за ўзровень праезнай часткі. Таму пасля дажджу ўся вуліца застаецца залітая вадой, піша tut.by.
А гэта вуліца Бярозавая ў вёсцы Лабна-Агароднікі Гарадзенскага раёна. Ацаніце яе стан. Чытач паведаміў, што ў асенне-зімовы перыяд дарога практычна закрытая.
Вядома, на фоне рэгіёнаў Менск выглядае значна лепш, але папрацаваць камунальнікам таксама ёсць над чым. Напрыклад, вось як адрамантавалі дарогу ў Сельгаспасёлку, на скрыжаванні вуліцы Нежданавай і 3-га завулка Мажайскага.
- Выразалі асфальт, заладзілі, але асфальту мабыць не хапіла. Цяпер прыходзіцца аб'язджаць гэты ўчастак, - паведаміў чытач. - Побач два люкі праваліліся. Ужо не адзін год у такім стане. Ды і ўвогуле, калі праехацца па Сельгаспасёлку, то такіх ям і калодзежаў, якія праваліліся - мора. Дарожнікі робяць цэнтральныя вуліцы, а завулкі не заўважаюць.
Баранавічы, вуліца Камуністычная, 19а.
- Дарога ў двары проста жудасная, яма на яме. Асобныя глыбінёй да 20 см, - паведаміў чытач.
Віцебская вобласць, Мёры. На вуліцы Камуністычнай дарожнікі паклалі новы асфальт, а зрабіць нармальны з'езд у двор забыліся.
Звычайна мы не публікуем фота дарожных недаробак, якія дасланыя без адрасу. Але для гэтага зрабілі выключэнне. Чытача, які даслаў фота, і нас таксама, уразіла «крывізна рук рабочых, якія ўладкоўвалі гэты пешаходны пераход». Паведамляецца, што рамонт быў зроблены ўсяго паўгода таму. На зебры, нават пры невялікім дажджы з'яўляецца велізарная лужына, якую пешаходы вымушаныя абыходзіць бокам.
І зноў сталіца, вуліца Прытыцкага, 29. Так выглядае падарожная частка каля ўезду на паркоўку ГЦ «Цівалі» з боку вуліцы Дуніна Марцінкевіча.
У Гомелі каля дома 40 на завулку Якуба Коласа вельмі глыбокія ямы ўжо шмат гадоў.
У Калінкавічах Гомельскай вобласці ёсць вуліца Кастрычніцкая - адна з цэнтральных. Так выглядае да яе прылеглая тэрыторыя.