Урад Літвы зможа рэгуляваць кошты ва ўмовах карантыну

Папраўкі да закона аб грамадзянскай абароне былі прынятыя Сэймам у тэрміновым парадку.

7 красавіка Сэйм Літвы прыняў закон, які дазваляе ўраду краіны ва ўмовах карантыну ўстанаўліваць максімальныя кошты асноўных тавараў і паслуг, паведамляе карэспандэнт Charter97.org у Вільні. Папраўкі да закона аб грамадзянскай абароне былі прынятыя ў тэрміновым парадку.

Прынятыя папраўкі дазволяць устанаўліваць максімальна магчымыя кошты тавараў і паслугі першай неабходнасці, уводзіць неабходныя абмежаванні на продаж такіх тавараў і паслуг, усталёўваць магчымыя межы продажу тавараў і паслуг, а таксама ўводзіць забарону на вываз пэўных тавараў з краіны.

«Служба абароны правоў спажыўцоў ужо атрымлівае запыты аб магчымым падвышэнні коштаў - асабліва што да падаражэння сродкаў дэзінфекцыі, рэспіратараў і масак. Паніка прымушае людзей купляць больш тавараў першай неабходнасці, чым ім трэба. Гэта павялічвае попыт на канкрэтныя тавары», - растлумачыў міністр юстыцыі Літвы Эльвінас Янкявічус.

Раней некаторыя з краін ЕЗ зрабілі аналагічныя захады: у Францыі ўстаноўлены максімальныя кошты сродкаў дэзінфекцыі, Чэхія ўстанавіла граніцу коштаў рэспіратараў.

У тлумачальнай нататцы да законапраекта адзначаецца, што рэгуляванне коштаў, аб'ёму прадукцыі і забарона на экспарт павінны ўводзіцца толькі пры крайняй неабходнасці. Максімальны тэрмін увядзення абмежаванняў не павінен перавышаць працягласць надзвычайнай сітуацыі.

Літва ўвяла карантын у сувязі з каранавірусам з 16 сакавіка, пазней ён быў падоўжаны да 13 красавіка. Прэм'ер-міністр Літвы Саўлюс Скверняліс заявіў аб тым, што карантын будзе працягнуты яшчэ мінімум на два тыдні. На 9 раніцы 8 красавіка, у Літве зафіксавана 912 выпадкаў каранавіруснай інфекцыі і 15 смерцяў ад каранавіруса.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]