У Польшчы пацверджаны 207 новых выпадкаў заражэння каранавірусам

Колькасць інфікаваных у Польшчы павялічылася да 3 834 чалавек, у тым ліку 84 смяротныя зыходы.

У Польшчы пацверджаныя 207 новых выпадкаў заражэння каранавіруснай інфекцыяй. Хвароба забрала жыцці яшчэ 5 чалавек. Такім чынам, колькасць інфікаваных у краіне павялічылася да 3 834, у тым ліку 84 смяротныя зыходы, піша «Польскае радыё».

Міністэрства аховы здароўя Польшчы паведаміла, што апошнімі ахвярамі каранавіруса сталі 41-гадовая жанчына і 84-гадовы мужчына са шпіталя ў Кракаве, 71-гадовы пацыент клінікі ў Познані, 77-гадовая жанчына, шпіталізаваная ў Болеславце, і 59-гадовы пацыент з Паляніцы-Здруй.

На сённяшні дзень ва ўсім свеце зарэгістравана больш за 1,2 млн выпадкаў заражэння каранавіруснай інфекцыяй.