Сусветныя кошты прадуктаў харчавання ўпалі

Падзенне выкліканае чаканнямі запаволення тэмпаў эканамічнага росту.

Сусветныя кошты прадуктаў харчавання імкліва знізіліся, галоўным чынам з прычыны скарачэння попыту, звязанага з наступствамі пандэміі COVID-19. Пра гэта паведамляе ФАО (Харчовая і сельскагаспадарчая арганізацыя ААН), паведамляе РБК.

Сярэдняе значэнне Індэкса харчовых коштаў ФАО, якім адсочваюцца памесячныя змены міжнародных коштаў асноўных таварных тыпаў прадуктаў харчавання, склала за месяц 172,2 пункта, што на 4,3 пункта ніжэй, чым у лютым.

«Падзенне коштаў абумоўленае галоўным чынам фактарамі ў галіне попыту, а не прапановы, а на фактары попыту ўплываюць перспектывы ў эканоміцы, якія ўсё больш пагаршаюцца», - сказаў старэйшы эканаміст ФАО Абдалрэза Абасіян.

Найбольшае падзенне адзначаецца ў Індэксе коштаў цукру, які знізіўся на 19,1%. Сярод прычын - зніжэнне попыту на спажыванне па-за домам, што звязанае з захадамі самаізаляцыі, якія ўводзяцца многімі краінамі, а таксама памяншэнне попыту з боку вытворцаў этылавага спірту ў сувязі са значным падзеннем коштаў сырой нафты.

Індэкс коштаў алею ФАО за месяц знізіўся на 12,0% адсоткаў, прычынай чаго ў асноўным паслужыла падзенне коштаў пальмавага алею.

«За апошні месяц кошты нафты ўпалі больш чым удвая, і гэта - сур'ёзнае паніжальнае ўздзеянне на біяпаліва, якое з'яўляецца важнай крыніцай попыту на рынках цукру і раслінных алеяў», - адзначыў аналітык ФАО Пітэр Тэнес.

Індэкс коштаў малочнай прадукцыю ФАО ўпаў на 3,0% праз зніжэнне каціровак і глабальнага попыту на імпарт абястлушчанага і неразведзенага сухога малака ў сувязі з парушэннямі ў ланцугах пастаўкі малочнай прадукцыі праз абмежавальныя захады, накіраваныя на стрымліванне распаўсюджвання COVID-19.

Індэкс коштаў збажыны ФАО ў сакавіку знізіўся на 1,9% у параўнанні з лютым і практычна вярнуўся на свой узровень сакавіка 2019 года.

Індэкс коштаў мяса ФАО ўпаў на 0,6%.