У Вялікабрытаніі новым кіраўніком Лейбарысцкай партыі абраны Кір Стармер
4- 4.04.2020, 16:26
- 9,976
Выбары новага старшыні прайшлі пасля скрышальнай паразы лейбарыстаў на апошніх выбарах.
У Вялікай Брытаніі новым старшынём апазіцыйнай Лейбарысцкай партыі абраны ценявы міністр партыі ў пытаннях Brexit Кір Стармер. Ён перамог, атрымаўшы 56 адсоткаў галасоў чальцоў партыі, паведамілі лейбарысты ў сваім мікраблогу ў Twitter у суботу, 4 красавіка, піша DW.
.@Keir_Starmer has been elected as Leader of the Labour Party with 56% of the vote. For full results, head to our website 👉 https://t.co/MX60gY8CA1 #LabourLeadership pic.twitter.com/uc3r7NzdBb
— The Labour Party (@UKLabour) April 4, 2020
Стармер заменіць Джэрэмі Корбіна, пад кіраўніцтвам якога Лейбарысцкая партыя на выбарах у снежні пацярпела поўную паразу з самымі дрэннымі вынікамі з 1935 года.
Змена партыйнага курсу
Падчас выбараў новага партыйнага старшыні, цэнтрыст Стармер атрымаў перамогу над Рэбекай Лонг-Бейлі, якую падтрымлівала левае крыло лейбарыстаў. Назіральнікі расцэньваюць гэта як сімвал змены курсу Лейбарысцкай партыі. Трэці кандыдат - дэпутатка Палаты Абшчын Ліса Нэндзі, на думку экспэртаў, не мела ніякіх шанцаў на поспех.
У выніку парламенцкіх выбараў у снежні 2019 года лейбарысты не толькі атрымалі найгоршыя вынікі з 1935 года, але і саступілі кансерватарам многія са сваіх традыцыйных электаральных бастыёнаў. Пасля гэтага 70-гадовы Джэрэмі Корбін, які ўзначальваў партыю з 2015 года і праводзіў відавочна левы курс, абвясціў пра сыход у адстаўку. На думку многіх выбаршчыкаў, лейбарысты пацярпелі крах на выбарах праз невыразную пазіцыі Корбіна аб Brexit.
