Трамп назваў дату правядзення прэзідэнцкіх выбараў у ЗША

Выбарчая кампанія ў краіне практычна спынілася.

Прэзідэнцкія выбары ў ЗША адбудуцца ў той тэрмін, што планаваўся першапачаткова: 3 лістапада, нягледзячы на пандэмію каранавірусу.

Пра гэта заявіў дзейны прэзідэнт ЗША Дональд Трамп, паведамляе The Hill.

Прэзідэнт адхіліў варыянт аддаленага галасавання праз пошту, падкрэсліўшы, што некаторыя грамадзяне «могуць паспрабаваць змахляваць».

«Людзі павінны прыйсці на ўчасткі і прад'явіць пасведчанне асобы», – падкрэсліў Трамп.

Выбарчая кампанія ў ЗША практычна спынілася праз пандэмію каранавірусу. Першасныя выбары, якія павінны былі прайсці ў шэрагу штатаў вясной, перанесеныя на лета.