CNN: Як не прынесці COVID-19 дадому разам з пакупкамі?

Амерыканскі лекар даў важныя парады.

Каб засцерагчыся ад заражэння каранавірусам, лекары раяць часта мыць рукі, не дакранацца да свайго твару і выконваць сацыяльнае дыстанцыяванне. Аднак, па пакупкі ўсё роўна хадзіць даводзіцца. І наўрад ці можна быць упэўненым на 100%, што на ўпакоўках прадуктаў няма SARS-CoV-2, які выклікае хваробу пад назвай COVID-19.

Амерыканскі лекар Санджэй Гупта патлумачыў у эфіры CNN (пераклад - unian.net), што трэба рабіць, каб выпадкова не прынесці небяспечны каранавірус з сабой з крамы.

«Людзям, мабыць, трэба хадзіць у прадуктовы крамы. Скарачэнне такіх паходаў дапамагае лепш прытрымлівацца сацыяльнага дыстанцыявання. Але трэба памятаць: гэта хвароба не харчовага характару. Яе нельга падхапіць праз тое, што нешта з’еў. Таксама вельмі малаверагодна, што вы падхопіце яе праз ўпакоўку. Але мы ведаем, што вірус можа жыць на паверхнях. Да прыкладу, на пластыку і метале ён жыве тры дні», - растлумачыў амерыканскі лекар.

На кардоне каранавірус актыўны 24 гадзіны. Доктар Гупта раіць падзяліць месца на кухонным стале на брудную і чыстую зону. «У бруднай зоне я чышчу ўпакоўкі ад віруса. Не трэба прыкладаць шмат намаганняў. Гэта вельмі адчувальны вірус. Не трэба выкарыстоўваць нейкія асаблівыя сурвэткі. Хопіць звычайных бытавых сродкаў. Ачысціўшы ўпакоўку, я кладу прадукт у чыстую зону», - растлумачыў ён.

Са слоў лекара, заражэнне праз упакоўку малаверагоднае. Аднак, людзі дакранаюцца да патэнцыйна заражаных паверхняў, праз чаго ўзнікае рызыка перанесці вірус на твар праз дотык.

«Не думаю, што можна сапраўды заразіцца праз упакоўку з прадуктамі. Але ў цяперашніх умовах дадатковая асцярожнасць - гэта не такая ўжо і дрэнная ідэя», - растлумачыў ён.