28 сакавiка 2024, Чацвер, 23:47
Падтрымайце
сайт
Сім сім,
Хартыя 97!
Рубрыкі

На мяжы Казахстана і Туркменістана памёр кіроўца грузавіка з Беларусі

5
На мяжы Казахстана і Туркменістана памёр кіроўца грузавіка з Беларусі
КПП «ТЭМІР-БАБА».
АРХІЎНЫЯ ФОТА TURKMEN.NEWS

Аб прычынах смерці не паведамляецца.

На кантрольна-прапускным пункце «Тэмір-баба», на мяжы Казахстана і Туркменістана, сабралася 79 грузавых аўтамабіляў, у асноўным, з беларускімі і расейскімі нумарамі. Усе яны накіроўваліся ў Туркменістан, але ўжо блізу 10 дзён не могуць пераехаць мяжу праз закрыццё КПП туркменскім бокам, піша turkmen.news.

«Патрабуецца дапамога з прадуктамі і вадой. У пустыні без умоваў: няма вады, прадукты на зыходзе. Пазаўчора памёр наш [беларускі] кіроўца ў сваёй кабіне, ежа канчаецца, вада на зыходзе», - гаворыцца ў паведамленні, атрыманым turkmen.news.

Інфармацыю аб гібелі кіроўцы з Беларусі рэдакцыі turkmen.news праз тэлефон пацвердзілі і на мытным пасту «Тэмір-баба». Аб прычынах смерці не паведамляецца.

Напісаць каментар 5

Таксама сачыце за акаўнтамі Charter97.org у сацыяльных сетках