Украінская Рада ўхваліла ў першым чытанні закон аб банках для старту новай праграмы з МВФ

Нацыяналізаваныя банкі не змагуць вяртацца да сваіх былых уладальнікаў.

Вярхоўная Рада прыняла ў першым чытанні законапраект аб банкаўскім рэгуляванні, неабходны для старту новай праграмы супрацоўніцтва Украіны з Міжнародным валютным фондам.

Як паведамляе карэспандэнт unian.net, за прыняцце законапраекта аб унясенні змяненняў у некаторыя заканадаўчыя акты Украіны аб удасканаленні некаторых механізмаў рэгулявання банкаўскай дзейнасці (2571-д), распрацаванага профільным парламенцкіх камітэтам, прагаласавалі 267 народных дэпутатаў пры неабходным мінімуме 226 галасоў.

Таксама дэпутаты 277 галасамі падтрымалі пастанову ўдвая скараціць тэрмін падачы прапаноў і правак да другога чытання праекта. Падчас прадстаўлення законапраекта прэзідэнт Украіны Уладзімір Зяленскі заклікаў дэпутатаў яго ўхваліць, каб Украіна магла атрымаць падтрымку МВФ для эканомікі краіны ў перыяд барацьбы з эпідэміяй каранавірусу. «Вы выдатна ведаеце, якую суму Украіна можа атрымаць дзякуючы мемарандуму з МВФ для падтрымкі ўкраінскай эканомікі. Не буду казаць шмат красамоўных слоў пра тое, што мы атрымаем 10 мільярдаў ці больш. Сёння важна падтрымаць нашу эканоміку, жыццёва важна», - сказаў ён.

Згодна з тлумачальнай запіскай да законапраекта, ён прадугледжвае няўхільнасць працэсу вывядзення банка з рынку, бо адпаведную пастанову Нацыянальнага банка нельга будзе скасаваць або прыпынiць на пастанову суда. У той жа час, закон дакладна вызначае перадумовы і працэдуру атрымання былымі ўладальнікамі выведзеных з рынку банкаў кампенсацый, калі яны давядуць у судзе незаконнасць пастановы НБУ.