КНДР правяла выпрабаванні звышцяжкай шматзараднай пускавой устаноўкі

Паўночная Карэя ўстанавіла рэкорд па пуску ракет за адзін месяц.

Паўночная Карэя правяла паспяховыя выпрабаванні звышцяжкай шматзараднай пускавой устаноўкі. Пра гэта паведамляе «Нямецкая хваля».

Як паведамляецца, выпрабаванні прайшлі паспяхова, найбліжэйшым часам устаноўку плануюць паставіць у воінскія часткі. У рамках выпрабаванняў Пхеньян правяраў тактыка-тэхнічныя характарыстыкі пускавой устаноўкі.

Нагадаем, раней паведамлялася, што КНДР актывізавала ракетныя выпрабаванні ва ўмовах пандэміі каранавірусу. Краіна выпусціла ў акіян дзве балістычныя ракеты блізкага радыусу дзеяння, што стала 8 і 9 запускам ракет у гэтым месяцы.

Гэта самая вялікая колькасць ракет, калі-небудзь выпушчаных Паўночнай Карэяй за адзін месяц, паводле падлікаў Шэа Катона, старэйшага навуковага супрацоўніка Цэнтра даследаванняў праблем нераспаўсюджвання ім. Джэймса Марціна.