У 5-й гімназіі Менска ў аднаго з супрацоўнікаў - каранавірус

Некаторыя дзеці з бацькамі на самаізаляцыі.

У 5-й гімназіі Менска ў аднаго з супрацоўнікаў выявілі каранавірус. Цяпер некаторыя школьнікі з бацькамі на самаізаляцыі дома.

У рэдакцыю tut.by прыйшоў ліст ад чытачоў пра тое, што ў 5-й гімназіі Менска ў аднаго з супрацоўнікаў выявілі каранавірус, у дзяцей, якія з ім кантактавалі, бяруць мазкі, тых, хто не хоча шпіталізавацца, пакідаюць на самаізаляцыі дома пад наглядам бацькоў.

- Бацькам дзяцей, у якіх выкладаў гэты настаўнік, патэлефанавалі з гімназіі і сказалі, што ўсе павінны сысці на самаізаляцыю. Калі бацькі не гатовыя самаізалявацца разам з дзіцем дома, то школьніка шпіталізуюць на карантын, - распавялі бацькі вучняў.

Са слоў бацькоў, іх дзецям яшчэ на выходных пачалі рабіць мазкі на каранавірус, пры гэтым многія дзеці з настаўнікам апошні час не кантактавалі, бо апошнія адзін-два тыдні не хадзілі ў гімназію.

Бацькі, з якімі размаўлялі журналісты, гатовыя сысці на працу дома і адседзець з дзецьмі карантын дома. З 30 сакавіка да 5 красавіка ў школьнікаў вясновыя вакацыі.

Прэс-сакратарка Міністэрства аховы здароўя Юлія Барадун

- Згодна з загадам Міністэрства аховы здароўя асобы, якія кантактавалі з хворым на каранавірусную інфекцыю падлягаюць шпіталізацыі або самаізаляцыі. У сувязі з тым, што дзеці не могуць самаізалявацца самастойна без кантролю з боку дарослых, было прапанавана самаізаляцыю дзяцей праводзіць пад кантролем бацькоў у хатніх умовах, - адзначыла спецыялістка.