Шэсць карысных парадаў ад лекара, каб праз частае мыццё не сохлі рукі

Адна з іх - насіце пальчаткі.

Сталі часцей і даўжэй мыць рукі - сохне скура. Знаёмая сітуацыя? «Цяпер нават у людзей, якія звычайна не скардзіліся на лушчэнне і патрэсканыя рукі, такая праблема ўзнікае», - кажа лекарка-дэрматавенеролаг Гарадскога клінічнага скурна-венералагічнага дыспансэра Менска Святлана Якубоўская. Tut.by запісаў шэсць карысных парадаў для абароны нашай скуры.

Парада першая. Мыла не горшае за антысептык

Калі ёсць магчымасць, мыйце рукі з мылам, але галоўнае рабіць гэта не менш за 20 секунд. Мыла, у аснове якога ёсць шчолач, таксама эфектыўна змагаецца з бактэрыямі, асабліва калі вы мыеце рукі правільна. Плюс мыла менш сушыць скуру.

- У складзе антысептыку няма ніякіх змякчальных кампанентаў, максімум могуць дадаць лёгкі араматызатар. А адсотак утрымання спірту ў ім павінен быць ад 60 да 80. Спірт сушыць скуру, таму пашкоджваючае дзеянне ў антысептыка, вядома, мацнейшае. А мыла дазваляе мякчэй уздзейнічаць на скуру пры ачышчэнні.

Парада другая. Для мяккасці скуры лепш вадкае мыла

З пункту гледжання эфектыўнасці ачысткі ўсё мыла аднолькавае. І «чужыя» бактэрыі на брусковым мыле ў грамадскіх месцах не застаюцца - гэта толькі папулярны міф. Але, калі акрамя гігіены важны яшчэ і клопат пра скуру, лепш выбіраць вадкае:

- У такім мыле больш змякчальных, увільгатняльных кампанентаў. Канкрэтныя аддушкі або экстракт для скуры не так важныя: смела бярыце тую бутэлечку, якая больш падабаецца. Што тычыцца дзялення мыла на дзіцячае і дарослае, то гэта таксама больш маркетынгавы ход - хоць лічыцца, што з дзіцячым мылам вытворцы больш сумленныя і сочаць за максімальна фізіялагічным pH 5,5 у гэтага сродку.

Унікаць у склад не абавязкова, але калі хочацца - шукайце на этыкетцы лаўрэтсульфат натрыю замест лаўрылсульфат:

- Лаўрэат - гэта больш мяккі «калега» лаўрылсульфат натрыю. Два гэтыя кампанента ПАР адначасова і чысцяць скуру, і пашкоджваюць яе - такая сабе палка з двума канцамі. Але яшчэ больш мяккія ПАВ я б не раіла (калі няма сур'ёзных праблем са скурай накшталт экзэмы) - чысціць яны будуць не так эфектыўна, а гэта цяпер важней.

Парада трэцяя. Выцірайце рукі правільна

Пасля мыцця інтэнсіўна расціраць рукі ручніком? Дэрматавенеролаг раіць асвоіць новую звычку: акуратна іх прамакаць, каб лішні раз не пашкоджваць і не раздражняць скуру.

Парада чацвёртая. Часцей карыстайцеся крэмам (нават калі вы мужчына)

Пасля таго як вы прамакнулі рукі, нанясіце крэм. У ідэале рабіць гэта адразу, калі скура яшчэ трошкі вільготная. Так як рабіць гэта варта пасля кожнага мыцця рук, будзе зручней, калі вы заведзяце сябе два крэмы: адзін больш тлусты і ліпкі, каб аднавіць бар'ер скуры, калі ёсць магчымасць пасядзець і пачакаць убірання 5-7 хвілін. Потым можна прамакнуць рэшткі папяровай сурвэткай і працягнуць займацца сваімі справамі. А другі крэм хай будзе лёгкі, на воднай аснове, каб дадаць вільгаці скуры, калі часу мала.

Дэрматавенеролаг звяртае ўвагу, што карыстацца крэмам аднолькава важна і жанчынам, і мужчынам. Калі вы мужчына, якому раней не даводзілася купляць сабе крэм, самая простая парада - параіцца з кансультантам або пакласціся на надпісы на пакаванні:

- Звычайна ў мас-маркеце на тлустых крэмах пішуць «пажыўны», а на лёгкіх «увільгатняючы». Калі казаць пра аптэчныя сродкі, то мус і крэм лёгкія, а бальзам, мазь, малачко - больш шчыльнай кансістэнцыі. Аптэчныя крэмы нездарма даражэйшыя за тыя, што прадаюць у мас-маркеце: там больш пажыўных кампанентаў. Звычайна мы раім наступнае: калі асаблівых праблем са скурай рук няма, досыць крэму з мас-маркету. Калі да раздражненне ад мыла дадаецца абвастрэнне хранічнага скурнага захворвання (экзэмы або атапічны дэрматыт), тады толькі адмысловы сродак-эмалент з аптэкі.

Калі хтосьці перажывае, што «злоўжыў» крэмам для рук, наносячы яго па некалькі разоў на дзень - так не бывае, супакойвае лекар. Гэта не лекавы прэпарат. Наносіць крэм трэба так часта, як гэта трэба. У нашай сітуацыі - пасля кожнага мыцця рук.

- Адзінае выключэнне - калі вы купілі крэм і бачыце, што ад яго вам горш: бывае непераноснасць кампанента або алергічная рэакцыя. Тады сродак варта адразу адмяняць.

Парада пятая. Насіце пальчаткі

Не забывайце насіць пальчаткі, калі на вуліцы менш за пяць градусаў цяпла. Моцны халодны вецер - гэта таксама неспрыяльны фактар, які здольны перасушыць і траўмаваць скуру.

Яшчэ адна сітуацыя, у якой многія забываюць пра пальчаткі, - мыццё посуду. Лічыцца, што лепш нітрылавыя, а не латэксныя пальчаткі. Але бываюць сітуацыі, калі яны даюць алергічную рэакцыю - тады дэрматавенеролаг раіць апранаць пад ніз гумовых тонкія баваўняныя пальчаткі.

- Іх можна купіць, але лёгка і самому пашыць пад сваю руку, хоць са старой непатрэбнай навалачкі, - падказвае лекар.

Парада шостая. Калі ўсё занадта сур'ёзна, ідзіце да лекара

Калі лушчэнне моцна турбуе, паспрабуйце нанесці пажыўны крэм на ноч, а зверху надзець тонкія баваўняныя пальчаткі: гэта дапаможа аднавіць пашкоджаную гідраліпідную мантыю скуры.

Але калі рукі зудзяць, ёсць расколіны або жоўтыя скарыначкі - то тут адназначна ідзём да лекара.

- Адна справа, калі лёгкае лушчэнне і невялікае пачырваненне можа зняць крэм, а іншае - карціна запаленне, пры якім без спецыяльных лячэбных прэпаратаў не абысціся, - папярэджвае Святлана Якубоўская.