Кіраўнік САЗ: Каранавірус распаўсюджваецца ўсё хутчэй, за два дні захварэлі 100 тысяч чалавек

Адзіны спосаб абараніць жыццё грамадзян і эканоміку - гэта спыніць пандэмію.

Пандэмія COVID0-19 паскараецца па экспаненце. Калі ўсе краіны не распачнуць агрэсіўныя дзеянні, у свеце могуць памерці мільёны людзей.

Пра гэта кіраўнік Сусветнай арганізацыі здароўя Тэдрас Аданам Гебрэесус заявіў падчас выступу на саміце G20, паведамляе censor.net.ua.

"Пандэмія COVID-19 паскараецца з экспаненцыяльнай хуткасцю. Першыя за 100 000 выпадкаў занялі 67 дзён. Другія - 11 дзён. На трэція за 100 000 сышло ўсяго 4 дні. Чацвёртыя - толькі 2 дні. Без агрэсіўных дзеянняў ва ўсіх краінах мільёны могуць памерці", - заявіў кіраўнік САЗ.

Гебрэесус заклікаў краіны G20 аб'яднацца ў барацьбе супраць каранавіруса.

"Змагайцеся. Змагайцеся, выкладваючыся на поўную сілу. Змагайся так, як быццам ад гэтага залежыць вашае жыццё - таму што так яно і ёсць", - сказаў ён.

Кіраўнік САЗ дадаў, што адзіны спосаб абараніць і жыццё грамадзян, і эканоміку розных краін - гэта спыніць каранавірус.