Беларусь узначаліла рэйтынг самых пітушчых краін свету
58- 25.02.2020, 18:02
- 58,949
На год сярэднестатыстычны беларус спажывае 14,4 літра чыстага алкаголю.
Арганізацыя World Population Review склала рэйтынг краін у колькасці штогадовага спажывання алкаголю. Гэты рэйтынг узначаліла Беларусь са спажываннем 14,4 літра чыстага алкаголю на душу насельніцтва. Аб гэтым паведамляецца на афіцыйным сайце арганізацыі.
Большасць краін з дзясяткі самых пітушчых знаходзіцца ў Еўропе. Іх спіс выглядае такім чынам:
Беларусь (14,4 л на душу насельніцтва);
Літва (12,9 л на душу насельніцтва);
Грэнада (11,9 л на душу насельніцтва);
Чэхія (11,8 л на душу насельніцтва);
Францыя (11,8 л на душу насельніцтва);
Расея (11,5 л на душу насельніцтва);
Ірландыя (11,4 л на душу насельніцтва);
Люксембург (11,4 л на душу насельніцтва);
Славаччына (11,4 л на душу насельніцтва);
Нямеччына (11,3 л на душу насельніцтва).
Пры гэтым адзначаецца, што ў 1,75 л гарэлкі знаходзіцца блізу 300 мл чыстага спірту, які улічваўся ў статыстыцы. Гэта значыць, агулам адзін чалавек у Беларусі выпівае блізу 48 такіх бутэлек за год.