У Аўстрыі пацвердзілі першыя выпадкі каранавірусу

Станоўчы вынік тэсту на каранавірус выявіўся ў двух чалавек.

Пра гэта паведаміў губернатар федэральнай зямлі Ціроль Гюнтэр Платэр, перадае "Еўрапейская праўда" са спасылкай на Kurier.

Паведамляецца, што станоўчы вынік тэсту на каранавірус выявіўся ў двух чалавек. Цяпер яны знаходзяцца ў адной з лякарняў Інсбрука з падвышанай тэмпературай.

Улады Ціроля не даюць дадатковай інфармацыі аб заражаных.

Вядома, што абодвум па 24 гады, яны жыхары Інсбрука, якія нядаўна вярнуліся з італійскага рэгіёну Ламбардыя, дзе ў апошнія дні назіраецца найбуйнейшая ў Італіі ўспышка каранавірусу.