Беларусь пачне імпарт нафты па нафтаправоду «Адэса-Броды»
12- 25.02.2020, 17:17
- 19,695
Аб'ём - некалькі танкераў.
Пастаўкі нафты на беларускія НПЗ з выкарыстаннем нафтаправода "Адэса-Броды" пачнуцца найбліжэйшым часам - у сакавіку, паведаміў Менску намеснік старшыні канцэрна "Белнафтахім" Уладзімір Сізоў, піша "Інтэрфакс".
"Пастаўкі па нафтаправоду "Адэса-Броды" пачнуцца найбліжэйшым часам, у сакавіку. Аб'ём - некалькі танкераў", - сказаў Сізоў журналістам у аўторак у Менску.
Ён растлумачыў, што "цяпер вядзецца праца ў куплі альтэрнатыўнай нафты з выкарыстаннем паўднёвага маршруту, з украінскай тэрыторыі - выкарыстоўваецца трубаправодная інфраструктура (нафтаправод "Адэса-Броды") як самы эканамічны, хуткі і надзейны транспарт".
Са слоў намесніка старшыні канцэрна, магчымыя закупы як азербайджанскай, так і расейскай нафты.
"Мы вядзем працу для набыцця рэсурсаў у Чорным моры. Ёсць магчымасць набыцця рэсурсаў як вытворчасці азербайджанскай кампаніі, так і рэсурсаў вытворцы з Расейскай Федэрацыі", - сказаў Сізоў.
"Аб'ём вызначаем зыходзячы з рэшткаў рэсурсаў на НПЗ і зыходзячы з факту пастаўкі нафты чыгуначным і трубаправодным транспартам з Расеі", - прадоўжыў ён.