Каронавірус пранікае ў Еўропу
15- 24.02.2020, 10:31
- 15,845
Поўнач Італіі на карантыне.
У мінулыя выхадныя ў паўночных рэгіёнах Італіі, у Ламбардыі і суседняй вобласці Венета, быў зафіксаваны ўсплёск каронавірусу. Ад пнеўманіі, выкліканай вірусам, памерлі тры чалавекі, агульная колькасць тых, хто заразіўся, перавысіла 150 чалавек.
У нядзелю ўлады Італіі абвесцілі пра ўвядзенне надзвычайных захадаў для прадухілення распаўсюджвання каронавірусу, напрыклад, некаторыя гарады былі зачыненыя на карантын, у многіх населеных пунктах скасаваныя масавыя мерапрыемствы, паведамляе BBC.
Улады Венецыі пастанавілі датэрмінова закончыць штогадовы карнавал, у Мілане зачыніўся оперны тэатр "Ла Скала", а мадэльер Джорджа Армані правёў паказ апошняй калекцыі ў рамках міланскага Тыдня моды ў пустой зале.
Пакуль незразумела, як у Італіі з’явіўся ўсплёск вірусу, але ён ужо стаў найбуйнейшым у Еўропе. За мінулыя выхадныя Італія выйшла на трэцяе месца ў колькасці інфекцыяваных у свеце пасля Кітая, Паўднёвай Карэі і Японіі.
Тым часам колькасць пацверджаных выпадкаў заражэння каронавірусам у Кітаі перавысіла 77 тысячаў чалавек, памерлі 2592 чалавекі і больш за 24,5 тысячы былі выпісаныя з лякарняў.