Экс-тафгай «Віцязя» Брэндан Сагдэн: Жыццё ў Расеі настолькі дэпрэсіўнае, што я пачаў піць гарэлку

Хакеіст падзяліўся ўспамінамі пра гульні ў КХЛ.

Былы тафгай «Віцязя» Брэндан Сагдэн падзяліўся ўспамінамі пра гульні ў КХЛ.

«У снежні 2009 года мне патэлефанавалі з «Віцязя» і прапанавалі згуляць у КХЛ. Пасля выліку падаткаў я атрымаў бы 300 тысяч даляраў за рэшту сезону, і адмаўляцца не выпадала. З першага моманту я апынуўся зусім у іншым свеце. Гэта ўсё выглядала неверагодна. Бос клуба быў мафіёзі, вакол былі целаахоўнікі. Бос любіў бойкі, і ён прасіў мяне займацца толькі гэтым. Па сутнасці, мая праца заключалася ў тым, каб перад кожнай гульнёй на стартавым укідванні пад'язджаць да спаборнікаў і казаць, што я надзяру ім азадкі. Так я выводзіў іх з раўнавагі. Калі гульня пачыналася, я выбіраў сабе апанента і біў яго. Вось так я і набраў 122 хвіліны штрафу за 10 матчаў.

У тым «Віцязі» было яшчэ шмат аматараў пабіцца: Грэтан, Веро, Сайман. Сайман адзін мог разабрацца з усімі, але бос любіў нас, любіў канадскіх тафгаяў. У іншых клубах КХЛ байцоў не было, і мне часам было шкада апанентаў. Яны нічога не ведалі пра бойкі, а тут з'явіліся прафесіяналы, якія ладзілі пабоішчы. Але мне за гэта плацілі, так што я не скарджуся. Як мне жыццё ў Расеі? Жанчыны цудоўныя. Грошы надзвычайныя. Надвор'е - паганае.

І яшчэ гэтыя паўтара года - адзін з самых дэпрэсіўных момантаў у маім жыцці. Павінны быў здарыцца цуд, каб мужчына на вуліцы там усміхнуўся. Вельмі дэпрэсіўна. Я тады пачаў піць гарэлку, каб неяк забыцца», - прыводзіць словы Сагдэна тэлеграм-канал «Эпицентр».