Беларускія ўлады пачалі працаваць паводле Оруэла
19- 18.02.2020, 23:25
- 36,136
Выяўляецца, зніжэнне заробку - гэта яго рост.
Telegram-канал «Тыповая Беларусь» - аб недапрацоўках мясцовай вертыкалі.
«Магчыма, некаторым цікава, што ж адказалі кантрольныя органы краіны на просьбы бюджэтнікаў разабрацца ў зніжэнні заробкаў. І вось вам адказ:
- У асобных выпадках у работнікаў бюджэтных арганізацый няма дакладнага разумення крытэрыяў ацэнкі пры параўнанні свайго заробку за снежань 2019 года і студзень 2020 года.
У перакладзе на чалавечую мову: «Разлікі вам зрабілі дакладна, а тое што вы не разумееце, чаму адбылося зніжэнне, то гэта недапрацоўка вашых кіраўнікоў. Якія не змаглі растлумачыць, што зніжэнне заробку - гэта напраўду яго рост».
І вішанька на торце: «У Дзяржкантролі нагадваюць, што бюджэтнікі, у якіх ёсць пытанні да заробкаў, могуць звярнуцца ў абласныя камітэты дзяржаўнага кантролю па месцы жыхарства».
А ў канцы, хачу пакінуць цытату з кнігі Джорджа Оруэла «1984»: «Нарэшце партыя абвесціць, што двойчы два - пяць, і ў гэта трэба верыць. Рана ці позна яна выдасць такі ўказ, да гэтага непазбежна вядзе логіка яе ўлады. Яе філасофія маўкліва адмаўляе не толькі правільнасць твайго ўспрымання, але і само існаванне навакольнага свету. Ерась з ерасяў - здаровы сэнс».