Міністр абароны Украіны: Нашы ваяры далі годны адпор

Украінскія войскі ўтрымліваюць пазіцыі і гатовыя да ўсякага развіцця сітуацыі.

Сёння раніцай вораг перайшоў да актыўных наступальных дзеянняў, ужыўшы забароненую зброю, але ўкраінскія воіны далі годны адпор.

Як інфармуе сensor.net, пра гэта на сваёй старонцы ў Facebook напісаў міністр абароны Украіны Андрэй Загараднюк.

«Якім разам мы бачым, што ніякія абавязацельствы, узятыя на сябе расейскімі акупантамі, нічога не вартыя. Вораг грэбуе ўсімі дамоўленасцямі і спрабуе ціснуць», - напісаў ён.

Загараднюк адзначыў, што сёння раніцай вораг перайшоў да актыўных наступальных дзеянняў. Пры гэтым было ўжытая забароненая зброя.

«Нашы ваяры далі годны адпор. Цяпер бой скончыўся. Нашы войскі ўтрымліваюць пазіцыі і гатовыя да ўсякага развіцця сітуацыі. Паводле папярэдняй інфармацыі, адзін акупант знішчаны, а пецярым прычыненыя цяжкія раненні.

На жаль, не абышлося без страт у нашых шэрагах. Адзін украінскі абаронца загінуў у баі. Яшчэ чацвёра атрымалі раненні і цяпер атрымліваюць дапамогу.

Спачуванні родным, блізкім і пабрацімам загінулага Героя. Хутчэйшага выздараўлення нашым параненым.

Нашы абаронцы каторым разам выстаялі», - напісаў міністр.