З гэтага часу плаціна прарваная

Палітычны страйк у пуцінскай Расеі да сённяшняга дня - гэта нешта нябачанае.

Дапетушыліся дзяржаўным хвастом са сваімі сеткавымі рэпрэсіямі ў Расеі? Спачатку прывялі справу да грамадзянскай самаарганізацыі грамадства (вось ужо і псіхолагі выступілі ў падтрымку закатаваных ФСБ «на пензенскім склепе» абвінавачаных), піша Telegram-канал «СерпомПО».

Цяпер новы якасны крок наперад - у краіне прайшоў першы сучасны палітычны страйк.

Некалькі расейскіх кніжных крамаў перапынілі на адзін дзень сваю працу на знак пратэсту супраць сфабрыкаванай ФСБ пры папушчальніцтве кіраўніцтва краіны «сеткавай справы».

Гандляры кнігамі пішуць:

«Як можна прадаваць светлыя, вечныя, добрыя кнігі, калі людзей катуюць? Як можна заклікаць кагосьці да суперажывання героям улюбёных кніг, калі за думку, выказаную фантазію, можна атрымаць велізарны тэрмін, фактычна пажыццёвы?»

Да палітычнай забастоўкі далучыліся маскоўскія «Фаланстэр» і «Маршак», крамы «Піятроўскі» ў Пермі і Екацярынбургу і іншыя кніжныя крамы ў Краснаярску, Стаўрапалі, Санкт-Пецярбургу і Растове-на-Доне.

Ахоп, аднак.

Кнігагандляры выходзяць на адзіночныя пікеты ў падтрымку фігурантаў справы.

Так. Вельмі добра.

Цяпер прапагандысты ўладаў кінуцца сцвярджаць, што страйк невялікі паводле маштабаў і нічога страшнага не адбываецца.

Невялікі. Дакладна.

Але яго важнасць у тым, што гэта - першы прыклад. Яго значэнне ў тым, што грамадства асвойвае новыя формы пратэсту, назіраючы за тым, як улады ігнаруюць просьбы праваабаронцаў і адкрытыя лісты грамадскасці. Не хочаце з намі размаўляць, нас чуць? Тады мы будзем шукаць іншыя шляхі.

Цікава таксама, што першымі апрабуюць новы спосаб пратэсту асветнікі, кнігагандляры. Культура паўстала супраць НКВД-шнай няголенай морды, якая высунула з чарнаты савецкага мінулага наган.

Палітычная забастоўка ў пуцінскай Расеі да сённяшняга дня - гэта нешта нябачанае.

З гэтага часу плаціна прарваная. «Ластаўка з вясною ў сенцы да нас ляціць».