У Менску прайшоў кастынг «Міс Беларусь»
35- 16.02.2020, 21:28
- 31,661
Журналісты паглядзелі, хто на яго прыйшоў.
На выходных у Менску праходзіў кастынг на конкурс «Міс Беларусь». Дзясяткі дзяўчат мадэльнай знешнасці старанна спрабавалі прабіцца праз ацэньваючыя погляды сябраў журы і трапіць у фіналісткі конкурсу. «Онлайнер» пабываў на кастынгу ў Нацыянальнай школе прыгажосці і падае шмат фатаграфій.
За ўсю гісторыю правядзення конкурсу (а ў 2020 годзе ён пройдзе ўжо дванаццатым разам) мянчанкі здабывалі карону толькі двойчы. Дзяўчыны з рэгіянальных і абласных гарадоў перамагалі дзевяць разоў. У лідарах - Гарадзенская вобласць. Прыгажуні з гэтага рэгіёну ўдастойваліся галоўнага прыза тройчы, у прадстаўніц Берасцейскай, Магілёўскай, Віцебскай абласцей - па дзве перамогі ў конкурсе.
У конкурсе «Міс Беларусь» могуць браць удзел дзяўчаты з добрымі знешнімі дадзенымі, якія маюць беларускае грамадзянства і пастаянна пражываюць на яе тэрыторыі (незалежна ад месца вучобы, працы); ва ўзросце ад 18 да 24 гадоў уключна на дату правядзення фіналу; якія маюць рост не ніжэй за 174 см; якія не маюць на целе татуіровак і пірсінгу; ніколі не былі ў шлюбе; якія не маюць дзяцей.
Фінал нацыянальнага конкурсу прыгажосці «Міс Беларусь - 2020» пройдзе 15 траўня 2020 года ў Менску.