Хуткая дапамога цяпер будзе рэагаваць на выклікі больш марудна
119- 12.02.2020, 16:22
- 58,248
Таксама змянілася класіфікацыя выклікаў.
Максімальны час чакання брыгады хуткай дапамогі на выклік змяніўся. Цяпер у экстраных выпадках у горадзе ён не павінен перавышаць 20 хвілін з моманту званка ў 103 (раней - 15 хвілін), у іншых населеных пунктах - 35 хвілін (раней - 30 хвілін). Змена прапісаная ў інструкцыі аб парадку арганізацыі дзейнасці службы хуткай медыцынскай дапамогі, зацверджанай пастановай Міністэрства аховы здароўя ад 4 студзеня 2020 года №2. Дакумент апублікаваны сёння, 12 лютага, на Нацыянальным прававым партале, піша The Village Беларусь.
Таксама павялічыўся час чакання пры неадкладных выкліках - з максімальных 60 хвілін да 75 хвілін у горадзе і 90 хвілін у сельскай мясцовасці.
З дакумента вынікае, што змянілася класіфікацыя выклікаў. Раней яны дзяліліся на экстраныя, тэрміновыя і неадкладныя. У новым дакуменце засталіся дзве катэгорыі - экстранныя і неадкладныя выклікі.
Да экстраных выклікаў належаць:
пажар;
надзвычайная сітуацыя;
раптоўнае змяненне паводзін у пацыента ва ўзросце да 3 гадоў;
раптоўнае змяненне рухальнай актыўнасці;
страта пацыентам свядомасці;
сып з высокай тэмпературай у дзяцей;
атручэнне пацыента хімічнымі рэчывамі або лекавымі сродкамі;
засільванне, утапленне;
апёк усякай плошчы і глыбіні ў пацыента ва ўзросце да 3 гадоў;
шырокі апёк, апёкі некалькі абласцей цела;
глыбокія і шырокія раны;
іншароднае цела з лакалізацыяй, што ўяўляе пагрозу для жыцця пацыента;
курчы;
вострыя парушэнні дыхання;
дарожна-транспартнае здарэнне з пацярпелымі;
электратраўма;
падзенне з вышыні вышэйшай за ўласны рост;
парушэнне рытму сэрца (арытмія), якая ўзнікла ўпершыню;
роды;
траўма ўскладненая (якая прадстаўляе пагрозу для жыцця).