Расейская вядоўца засмяялася падчас расповеду навіны пра падвышэнне сацвыплат

Запіс не патрапіў у эфір, але хутка распаўсюдзіўся ў інтэрнэце.

Вядоўца расейскай праграмы «Весці Прымор'я» засмяялася падчас выпуску навін падчас расповеду аб падвышэнні сацыяльных выплат федэральным ільготнікам, - паведамляе выданне «Інфа24».

Запіс не патрапіў у эфір, але хутка распаўсюдзіўся ў інтэрнэце. Вядоўцу дзяржаўнага тэлеканала насмяшыла сума індэксацыі, піша «Эхо Москвы».

Напрыклад, з 1-га лютага кошт набору сацыяльных паслуг складзе крыху больш за паўтары тысячы рублёў штомесяц. З гэтых сродкаў амаль 900 расейскіх рублёў ільготнік можа выдаткаваць на лекі, 137 расейскіх рублёў - на аплату адпачынку ў санаторыі і астатняе - на бясплатны праезд у міжнародным транспарце да месца лячэння і назад.