У Балтыйскім моры знайшлі рэдкую шыфравальную машыну «Энігма» часоў Другой сусветнай
5- 3.12.2020, 20:54
- 42,809
Яна была загорнутая ў рыбалоўную сетку.
Драйверы з Нямеччыны знайшлі ў водах Балтыйскага мора рэдкую шыфравальную машыну «Энігма», якая захавалася яшчэ з часоў Другой сусветнай вайны. Пра гэта ў чацвер, 3 снежня, паведаміла выданне Merkur.
Драйверы нырнулі на дно мора, каб знайсці там «сеткі-прывіды» - старыя безгаспадарныя рыбацкія сеткі, якія дрэйфуюць, пагражаючы мясцовай фаўне. У адной такой сетак вадалазы і выявілі абсталяванне, што вонкава нагадвала друкарскую машынку.
Калі апарат паднялі на борт судна, высветлілася, што гэта вельмі рэдкі асобнік шыфравальнай машыны, якую выкарыстоўвалі нацысты падчас Другой сусветнай вайны.
«Энігму» выкарыстоўвалі ў камерцыйных мэтах і для атрымання звестак вайскоўцамі і ў іншых краінах. Пры дапамозе гэтых апаратаў службы перадавалі большую частку паведамленняў вермахта і нацысцкага флоту. Польскія і англійскія спецыялісты пазней вынайшлі прыладу, якая разгадала код «Энігмы», што мела сваю ролю ў перамозе над нацыстамі.
Выданне адзначаецца, што цяпер ва ўсім свеце можна знайсці прыкладна 400 асобнікаў шыфравальнай машыны. Выяўленую вадалазамі «Энігму» змясцілі ў рэстаўрацыйную майстэрню археалагічнага музея ў Шлезвіг.