Бэнксі намаляваў новае графіці ў Брыстолі

Мастак пацвердзіў аўтарства працы.

На адной з вулачак Брыстоля з'явілася новае жартоўная графіці ананімнага вулічнага мастака Бэнксі. Мастак ужо пацвердзіў аўтарства працы.

Бабулька, што чхае, з'явілася раніцай у чацвер, 10 снежня, на адным з двухпавярховых будыначкаў Тотэрдаўна, прыгарада Брыстоля. Маляваная бабулька, што чхае настолькі моцна, што ў яе вылятае зубны пратэз, а таксама сумачка і кій.

Са слоў аднаго з жыхароў вуліцы Дэйла Камлі, раніцай ён убачыў на сваёй вуліцы «буйнога хлопца ў куртцы». Ён не падумаў, што гэта Бэнксі, паведамляе BBC.

«А 7 раніцы я гатаваў сабе каву, выглянуў у акно і ўбачыў чалавека, і падумаў, што мантажнік будаўнічых лясоў, ён увесь час глядзеў на сцяну. У наступны раз я выглянуў за акно недзе праз гадзіну, калі ўжо сабраўся натоўп».

Увечары ў чацвер, 10 снежня, Бэнксі пацвердзіў аўтарства працы, апублікаваўшы серыю жартоўных здымкаў з графіці на сваёй старонцы ў Instagram. «Апчхі!», - падпісаў ён публікацыю.

Гэта не першае графіці Бэнксі на тэму катару. У ліпені ў адным з вагонаў лонданскага метро Бэнксі намаляваў пацукоў, што чхаюць. На жаль, гэта графіці сцерлі супрацоўнікі метрапалітэна, спаслаўшыся на строгую палітыку, пры гэтым адміністрацыя заявіла, што будзе вітаць, калі Бэнксі ўзновіць гэтую працу ў больш падыходным месцы.