28 сакавiка 2024, Чацвер, 11:43
Падтрымайце
сайт
Сім сім,
Хартыя 97!
Рубрыкі

Ілан Маск пабудуе пад Бэрлінам найбуйнейшую ў свеце фабрыку батарэй для электрамабіляў

25
Ілан Маск пабудуе пад Бэрлінам найбуйнейшую ў свеце фабрыку батарэй для электрамабіляў
ФОТА: REUTERS

Сёння кампанія Tesla вырабляе батарэі для сваіх электрамабіляў у штаце Невада.

У найбліжэйшы час патрэба кампаніі Tesla ў магутных батарэях вырасце ў сувязі з вывадам на рынак пікапа Cybertruck і цягача з электрапрывадам, паведамляе DW.

Амерыканскі бізнэсовец-наватар Ілан Маск збіраецца наладзіць на заводзе Tesla пад Бэрлінам самую маштабную ў свеце вытворчасць акумулятарных батарэй для электрамабіляў. Пра гэта прадпрымальнік заявіў на днях, выступаючы па відэасувязі на Еўрапейскай канферэнцыі вытворцаў батарэй (European Conference on Batteries).

Плануецца, што на прадпрыемстве кампаніі, якая будуецца ў горадзе Грунхайдэ, штогод будуць схадзіць з канвеера блізу 500 тысяч электрамабіляў Tesla Model 3 і Tesla Model Y. У той жа час гэты завод стане адзіным вытворцам, дзе будуць вырабляцца не толькі самі аўтамабілі, але і батарэі для іх.

Сёння кампанія Tesla вырабляе батарэі для сваіх электрамабіляў у штаце Невада, а электрамабілі - у Каліфорніі. У 2019 годзе завод вытворчасці машын з электрарухавікамі быў таксама адкрыты ў Кітаі.

У найбліжэйшы час Tesla збіраецца наладзіць серыйны выпуск цягачоў з электрапрывадам, а таксама пікапаў Cybertruck. Акрамя таго, са слоў Маска, кампанія рыхтуецца да вываду на рынак некалькіх мадэляў, распрацаваных спецыяльна для продажу ў Еўропе. Калі менавіта пачнецца вытворчасць і продаж гэтых машын, Маск, аднак, не ўдакладніў.

У верасні прадпрымальнік паабяцаў на працягу найбліжэйшых трох гадоў вывесці на рынак акумулятарныя батарэі па кошце ўдвая ніжэй за сённяшні. Акрамя гэтага, ён распавёў пра планы Tesla выпуску электрамабіля коштам 25 тысяч даляраў.

Еўрапейская канферэнцыя вытворцаў батарэй была арганізаваная міністэрствам эканомікі Нямеччыны ў рамках старшынства ФРГ у Еўрарадзе.

Напісаць каментар 25

Таксама сачыце за акаўнтамі Charter97.org у сацыяльных сетках