Студэнты мехмата БДУ правялі акцыю салідарнасці
1- 28.11.2020, 15:52
- 16,281
Адзін за ўсіх і ўсе за аднаго.
Студэнты БДУ правялі акцыю салідарнасці з затрыманай КДБ студэнткай механіка-матэматычнага факультэта Таццянай Якельчык, паведамляе «Белсат».
27 лістапада да Тацяны Якельчык з ператрусам прыйшлі з КДБ, пасля чаго яе павезлі на допыт, паведамлялі студэнцкія тэлеграм-каналы.
Раней студэнт мехмата Ілля Трахтэнберг быў прызнаны палітычным зняволеным, ён таксама застаецца за кратамі.
12 лістапада рэпрэсіўныя органы затрымалі лідараў і актывістаў аб'яднання беларускіх студэнтаў, у кватэрах сяброў аб'яднання і ў офісе арганізацыі прайшлі ператрусы.
Сярод тых, хто трапіў пад рэпрэсіі: Ксенія Сырамалот, Алана Гебрэмарыем, Ягор Канецкі, Яна Арабейка і Кася Будзько.
Напішы ліст журналісту
Проста цяпер за кратамі ўтрымліваюцца тры беларускія журналісткі: Кацярына Андрэева («Белсат»), Дар'я Чульцова («Белсат»), Кацярына Барысевіч (TUT.BY). Іх абвінавачваюць паводле крымінальных артыкулаў. Адным з моцных спосабаў падтрымаць дзяўчат можа стаць ваш ліст.
Куды пісаць:
Кацярына Андрэева (Бахвалава): 222160 г. Жодзіна, вул. Савецкая, д. 22а.
Дар'я Чульцова: 222160 г. Жодзіна, вул. Савецкая, д. 22а.
Кацярына Барысевіч: СІЗА № 1, 220030 г. Менск, вул. Валадарскага. д. 2.
Не забудзьцеся ўкласці ў ліст пусты канверт, каб дзяўчаты маглі вам адказаць. Дзякуй за вашу неабыякавасць!