Амерыканскую вакцыну Pfizer пачалі дастаўляць у іншыя краіны свету
3- 28.11.2020, 12:14
- 16,917
Адной з першых прэпарат ад каранавірусу атрымала Бельгія.
Авіякампанія United Airlines пачала развозіць па свеце вакцыну ад каранавірусу новага тыпу COVID-19 кампаніі Pfizer па краінах свету.
Пра гэта паведамляе The Wall Street Journal.
Журналісты адзначаюць, што дастаўкі прэпарату пачаліся на склады ў штаце Мічыган і ў Бельгіі. Таксама ў будучыні вакцыну даставяць у Нямеччыну і ў штат Вісконсін.
У гэты момант вакцына яшчэ не сертыфікаваная ў ЗША. Гэта можа адбыцца не раней за сярэдзіну снежня.
Эксперыментальная вакцына ад COVID-19 распрацоўкі амерыканскага фармгіганта Pfizer і нямецкай біятэхналагічнай кампаніі BioNTech паказала 95% эфектыўнасць, згодна з канчатковым вынікам клінічных выпрабаванняў.
Таксама ў амерыканскай кампаніі Moderna заявілі, што іх вакцына ад каранавірусу эфектыўная амаль на 95%. Гэта пацвердзілі клінічныя выпрабаванні вакцыны з удзелам 30 тысячаў добраахвотнікаў.
Брытанская Фармацэўтычная група AstraZeneca і Оксфардскі ўніверсітэт заявілі, што іх вакцына супраць COVID-19 прадэманстравала "сярэднюю эфектыўнасць 70%".