А ці быў «хлопчык»?

Рэакцыя лекараў на трызненне Таракана – неацэнная.

Учора «лекар усяе Беларусі» Лукашэнка прыехаў у 6-ю Гарадскую клінічную лякарню Менска, каб даведацца, як там лечаць людзей ад каранавірусу, піша тэлеграм-канал «Нік і Майк».

Заходзіў нібыта ў чырвоную зону, але давайце разбірацца, ці была яна?

1. Пры ўваходзе ніякага шлюза на відэа не відаць. Так не можа быць у лякарнях.

2. Замест паўнавартаснага касцюма ў Лукашэнкі – белы халат. Памятаецца, Пуцін выглядаў трошку па-іншаму.

3. Рэспіратар на барадзе, як у прадаўцоў на Камароўцы.

4. Шчыток нясе лекар. Настойліва прапануе ўсе ж яго скарыстаць на прызначэнне, але Лукашэнка робіць выгляд, што прапануюць не яму.

5. Пальчаткі ўзяў, але не надзеў. Навошта? Псіхоз ж…

6. Рэспіратар у выніку начапіў. Але ўвесь час чапаў яго рукамі. Як і «лекар» побач.

7. Гэты «лекар» увогуле дзіўны. Няма пазнак на сізе, у «чырвоную» зону заходзіў без маскі і шчытка. Ён дакладна з 6ГКБ? У яго, дарэчы, сіз з сіняй лэйбай на грудзях. Такі самы – толькі ў Эйсмант.

8. Пацыенты ў пранпазіцыі. Адзін без маскі. Рука Лукашэнкі чамусьці ляжыць у яго на спіне. У руцэ – пальчаткі. Так і праносіў усю дорагу, ні разу не надзеўшы.

Карацей, вялікай расейскай вакцынай, ад якой больш мруць, чым лечацца, гэта не растлумачыць. Толькі танная пастаноўка.

Тым больш ведаючы, што Лукашэнка ўсяго баіцца як агню, складана паверыць, што ён адважыўся вось у такім выглядзе зазірнуць туды, дзе людзі паміраюць адзін за адным. Яшчэ раней канал «Шпіц першага» расказваў пра тое, як Эйсмант прыдумала развадняк з тым, што Лукашэнка перахварэў. Тады гэтаму паверыў прыкладна ніхто.

Цяпер вельмі падобна, што ніякай чырвонай зоны таксама не было. Зноў Натуля спрабавала зрабіць пастаноўку паводле сваёй адукацыі ў Акадэміі мастацтваў і нічога не выйшла? Не прывыкаць. Чакаем яшчэ новых сакрэтных перамоваў Ніка і Майка. А то ў лякарні з паперкі чытаў. Не паспелі агучыць? Ці перакласці пасаж пра «ідэалагічную аснову»? Пагаворваюць, што перакладнікі, якія ведалі гэтыя штампы, ужо не пры справах.

Ну, і нашы старэйшыя таварышы Нік і Майк з КДБ (ці адкуль яны там?) маглі б працаваць больш якасна і не выдаваць матэрыялы прэсы за перахоп сакрэтных перамоваў. Нават да ўзроўню інсайдаў пакуль не дайшлі. Калегі, не ганьбіцеся, калі ласка.

Рэакцыя лекараў на гэтыя трызненні Лукашэнкі – неацэнная. Спектр эмоцый ад смеху да жалю. Тут дакладна маскі эмоцый не хаваюць.