Эканаміст: Рэсурсаў пратрымацца ва ўладаў Беларусі засталося на лічаныя месяцы
14- 28.11.2020, 9:26
- 42,388
Трэба прадаўжаць ціск.
Працоўныя наваполацкага «Нафтана» расказалі, што да страйку далучаюцца ўсё новыя супрацоўнікі. І цяпер, з іх словаў, адзін з галоўных спосабаў ціску на ўлады – гэта прыпыненне крэдытаў для прадпрыемства, піша telegraf.by.
Паводле словаў супрацоўнікаў «Нафтана», штрэйкбрэхеры, якіх з іх прадпрыемства высылалі на «Гродна Азот», – гэта спецыялісты не высокага ўзроўню. І на Азоце супрацоўнікі адмовіліся навучаць іх працы на вытворчасці, у выніку план у замене супрацоўнікаў праваліўся, адзначылі нафтанаўцы.
Актывісты страйкаму расказалі, што на «Нафтане» абсталяванне моцна зношанае – і яны ўжо гатовыя збіраць звесткі пра рэсурсы, якія неабходныя для будучай рэнавацыі вытворчасці.
Прадстаўнік Святланы Ціханоўскай у эканоміцы Алесь Аляхновіч падчас гутаркі з працоўнымі адзначыў, што "сродкаў на функцыянаванне ў рэжыму засталося на 4-6 месяцаў", таму, заявіў ён, трэба прадаўжаць ціск, а эканамічная група будзе працаваць над праграмай дапамогі.
Актыў "Нафтана" выказаў гатоўнасць нарошчваць страйк.