Калі чакаць зімовае надвор'е?

Прагноз на выходныя.

Надвор'е ў краіне пачаў фармаваць цыклон «Таня»: на большай частцы тэрыторыі прайшлі ападкі, на поўначы краіны ў выглядзе мокрага снегу, тут з’явілася снежнае покрыва вышынёй 1-7 см. У выхадныя чакаюцца мокры снег, вецер, туман, а на пачатку наступнага тыдня ў краіне ўстановіцца зімовы характар надвор'я, паведамілі tut.by ў Белгідрамеце Мінпрыроды.

У суботу, 28 лістапада, чакаецца пахмурнае надвор'е. Часам ападкі, пераважна снег, мокры снег, месцамі наліпанне мокрага снегу, туман, слабы галалёд. На асобных адцінках дарог галалёдзіца. Вецер пераменных накірункаў слабы. Тэмпература паветра мінімальная ўначы -4...+2ºC, максімальная ўдзень -1...+4ºC.

У нядзелю, 29 лістапада, захаваецца воблачнае надвор'е. Часам снег, мокры снег. Месцамі туман, галалёд, на дарогах галалёдзіца. Вецер паўночнай чвэрці сярэдні. Тэмпература паветра ўначы -5...+2ºC, удзень -3...+2ºC.

У пачатку наступнага тыдня надвор'е пачнуць фармаваць няўстойлівыя паветраныя масы, сфармаваныя ў паўночных шыротах, і ў краіне ўстановіцца зімовы характар надвор'я. Тэмпературны рэжым у многіх раёнах Беларусі спачатку вернецца ў кліматычныя рамкі, а ў першыя дні каляндарнай зімы сярэднядзённыя тэмпературы будуць нават трохі ніжэйшымі за норму. На значнай частцы тэрыторыі з’явіцца снежнае покрыва.

У панядзелак, 30 лістапада, воблачна з прасвятленнямі. На большай частцы пройдзе кароткачасовы снег. На дарогах месцамі галалёдзіца. Вецер паўночны з пераходам на паўднёва-заходні сярэдні. Тэмпература паветра ўначы -1...7ºC, удзень -4...+1ºC.