Берасцейка: На «Чорную пятніцу» не пайду, банальна - няма грошай

Журналісты распыталі іх меркаванне пра Black Friday у нашай краіне.

У Беларусі Black Friday пройдзе 27 лістапада. Мяркуецца, што менавіта ў гэты дзень можна купіць тавар з вельмі «смачнай» зніжкай.

Карэспандэнты «Брестской газеты» прайшліся па вуліцах горада і распыталі, ці ведаюць яны пра тое, што на носе час зніжак, ці плануюць шопінг у гэты дзень, і колькі грошай гатовыя выдаткаваць.

Марыя, фінансавы аналітык:

- Пра «Чорную пятніцу» ведаю. Планую нават схадзіць на шопінг. Раней ездзіла на закупы ў дзень распродажаў за мяжу. Бывала ў Польшчы і Літве. Заўважыла, што зніжкі там звычайна значна большыя, чым у нас. Дакладней, кошты ніжэйшыя. Да такіх акцый стаўлюся добра. Цяпер раблю рамонт, таму пакупкі ў «чорную пятніцу» будуць непасрэдна звязаныя з таварамі для дома. Ужо адсочвала, што колькі будзе каштаваць у інтэрнэт-крамах. І ў пятніцу цэны будуць сапраўды ніжэйшымі.

Думаю, «Чорныя пятніцы» ладзяць праз лішак тавару на складзе. Гэта выклікае большы попыт, з прычыны чаго павялічваюцца продажы. З прычыны чаго гэта выгадна гандлёвым сеткам, а таксама пакупнікам. Для іх гэта выдатная магчымасць набыць штосьці з вялікай зніжкай. Вядома, плазму за 70$ не купіш, як у Амерыцы, але тым не менш.

Ірына, у дэкрэтным адпачынку:

- Прызнацца, я перыядычна зважаю на распродажы, але гэта не даходзіць да фанатызму. Заўтра схаджу ў некаторыя гандлёвыя цэнтры, магчыма, нешта куплю сваёй дачцэ. Хоць шмат грошай я ўжо выдаткавала у Сусветны дзень шопінгу на кітайскіх сайтах.

Мне здаецца, «Чорная пятніца» прыдумана з мэтай прыцягнення пакупнікоў і заробку на тавараабарачэнні.

Кацярына, майстарка ў манікюры:

- Ведаю, што ў Беларусі пройдзе «Чорная пятніца». Аднак на шопінг не пайду - у Берасці няма куды. Раней ездзіла ў дні распродажаў у Польшчу. Там рабіць закупы значна лепш. Па-першае, шмат гандлёвых цэнтраў. Па-другое, вялікі выбар адзення ў крамах вядомых брэндаў. Калі ў Берасці выбару няма наогул, то ў Менску ён вельмі слабы. У цэлым, да такіх распродажу стаўлюся станоўча. Кожны год іх чакаю. На жаль, зараз становішча не вельмі добрае, каб ездзіць на шопінг за межы краіны. Але я ўсё роўна сёе-тое замовіла з Польшчы.

Думаю, што за мяжой тавары сапраўды прадаюць са зніжкай, а ў нас... Ладзяць, як мне здаецца, «Чорныя пятніцы» для таго, каб падахвоціць людзей да новых калекцый. Альбо прадаць тое, што не паспелі.

Паліна, студэнтка:

- На «Чорную пятніцу» у Берасці я не пайду. Банальна - няма грошай. Ведаю, што ў гэты дзень крамы ладзяць распродажы, хоць я сумняваюся, што гэта сапраўды так. Часам жа наадварот цэны завышаюць, каб потым зладзіць так званы распродаж. Хоць да саміх зніжак добра стаўлюся.

Кацярына, танцорка (фатаграфавацца адмовілася):

- Пра «Чорную пятніцу» чула. На шопінг не пайду - няма патрэбы. Раней таксама ніколі нічога не купляла на такіх распродажах. У цэлым, да зніжак у гэты дзень стаўлюся добра. Сеткавыя крамы ладзяць «Чорныя пятніцы», як мне здаецца, толькі для таго, каб завабіць пакупнікоў да свайго тавару.

Вікторыя, студэнтка:

- Ведаю, што 27 лістапада абвешчана «Чорная пятніцай», калі тавары можна набыць з добрай зніжкай. Хоць бывае, што цэны падымуць, каб потым хутчэй прадаць тавар з мінулых калекцый з уяўным зніжкамі. Калі дазволіць час, то зазірну ў які-небудзь гандлёвы цэнтр. Выдаткаваць планую рублёў 50, каб купіць куртку ці джынсы. Яшчэ, праўда, нічога не нагледзела. Калі нешта спадабаецца - куплю.

Лідзія Іванаўна, пенсіянерка, фатаграфавацца адмовілася:

- «Чорная пятніца» - гэта што? Каб надурыць людзей па-чорнаму? Не веру, што ў крамах у гэты дзень сапраўды будуць зніжкі. Яны што, з глузду з’ехалі, каб сабе на страту працаваць? Не хадзіла я на гэтыя «лахатроны» і не пайду!