МАК разглядае магчымасць накладання санкцый на НАК Беларусі
8- 25.11.2020, 23:06
- 62,237
Міжнародны алімпійскі камітэт выступіў з заявай.
Міжнародны алімпійскі камітэт можа накласці санкцыі на Нацыянальны алімпійскі камітэт Беларусі праз палітычныя рознагалоссі паміж спартоўцамі і ўладамі краіны, паведамляе прэс-служба МАК.
«З прычыны росту колькасці трывожных паведамленняў, якія тычацца спартоўцаў, афіцыйных асоб і спорту ў Беларусі, выканкам МАК наважыў ініцыяваць афіцыйную працэдуру з мэтай разгляду адпаведных захадаў або санкцый у дачыненні да НАК Рэспублікі Беларусь», - гаворыцца ў паведамленні.
«7 кастрычніка выканкам МАК прыняў пастанову ўзмацніць расследаванне захавання НАК Алімпійскай хартыі. Сітуацыя абмяркоўвалася на пасяджэнні выканкама 23 кастрычніка і 11 лістапада. МАК выказаў сур'ёзную заклапочанасць з нагоды агульнай сітуацыі ў спартыўнай супольнасці Беларусі», - адзначаецца там жа.