У чацвер у Беларусі чакаецца да плюс 6 градусаў
- 25.11.2020, 18:45
- 13,738
Будзе воблачна з прасвятленнямі.
Туман і слабы галалёд чакаюцца ў Беларусi 26 лістапада, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У чацвер будзе воблачна з прасвятленнямі. Уначы і раніцай месцамі пройдуць невялікія кароткачасовыя дажджы, у асобных раёнах магчымы туман і слабы галалёд. Удзень будзе пераважна без ападкаў. Вецер чакаецца заходні, паўднёва-заходні 4-9 м/с.
Тэмпература паветра цягам дня будзе вагацца ад нуля да плюс 6 градусаў, уначы ў заходняй палове краіны пры прасвятленнях будзе мінус 1-5 градусаў.