29 сакавiка 2024, Пятніца, 16:17
Падтрымайце
сайт
Сім сім,
Хартыя 97!
Рубрыкі

Медыкі, якія звольніліся на знак пратэсту: Гэта адзіны спосаб выказаць грамадзянскую пазіцыю

16
Медыкі, якія звольніліся на знак пратэсту: Гэта адзіны спосаб выказаць грамадзянскую пазіцыю
ФОТА: SVABODA.ORG

Адкрыты ліст супрацоўнікаў РНПЦ дзіцячай анкалогіі, гематалогіі ды імуналогіі.

У распараджэнні рэдакцыі tut.by знаходзіцца адкрыты ліст супрацоўнікаў РНПЦ дзіцячай анкалогіі, гематалогіі ды імуналогіі. Медыкі тлумачаць, чаму яны наважылі напісаць заявы на звальнення на знак салідарнасці з тым, што ў клініцы змянілі дырэктара. Раней 16 супрацоўнікаў заявілі пра свой сыход. Заяву аб звальненні адной з супрацоўніц ужо падпісалі - загадчыцы анкагематалагічнага аддзялення РНПЦ дзіцячай анкалогіі, гематалогіі ды імуналогіі Надзеі Пятроўскай.

Мы публікуем адкрыты ліст медыкаў цэнтра, якія наважылі звольніцца:

«Сёння мы, медыцынскія работнікі Цэнтра дзіцячай анкалогіі, гематалогіі ды імуналогіі, хочам публічна агучыць сваю пазіцыю наконт падзей, якія адбываюцца ў нашым цэнтры.

Цяпер нас, як і многіх іншых у краіне, пазбаўляюць права мець уласнае меркаванне і адкрыта яго выказваць, не асцерагаючыся за ўласную бяспеку.

Намі маніпулююць, заклікаюць да нашай адказнасці перад хворымі дзецьмі (пацыентамі), неаднаразова заяўляюць пра тое, што медык у нашай краіне не мае права на страйк, на ўдзел у мітынгах і пікетах, стасункі з СМІ і нават на выказванне сваіх думак у сацыяльных сетках. Наша актыўнасць трактуецца сістэмай, як спосаб атрымаць «тур у ЕЗ», задавальненне палітычных амбіцыяў, адсутнасць пачуцця абавязку.

Паверце, кожнаму з нас было вельмі цяжка зрабіць крок са сваіх персанальных прычын і вырашыцца на звальненне. Але складаней за ўсё гэта зрабіць праз прафесійны абавязак перад пацыентамі (гэта дзеці з анкагематалагічнай паталогіяй).

Нам, як і ўсім людзям, якія маюць сэрца, цяжка працаваць, усведамляючы няспынны гвалт у краіне. Сваю пазіцыю наконт гэтага мы неаднаразова агучвалі ў відэазвароце і лістах, адрасаваных у Міністэрства аховы здароўя.

Практычна немагчыма стала працаваць, калі некаторыя з нашых калег пацярпелі непасрэдна за сваю грамадзянскую пазіцыю: былі затрыманыя і прыцягнутыя да адміністрацыйнай адказнасці. Мы сутыкнуліся з адсутнасцю падтрымкі з боку прафсаюза медыцынскіх работнікаў і прафесійных таварыстваў. Паводле нашай інфармацыі, міністэрства аховы здароўя настойліва рэкамендавала дырэктару цэнтра звальняць актывістаў і «супрацоўнікаў з 23.34».

Апошняй кропляй стала змена кіраўніцтва цэнтра і прызначэнне новага дырэктара без досведу работы ў анкалогіі. Цэнтр дзіцячай анкалогіі - гэта асаблівая ўстанова. Дырэктар тут ніколі не выконваў толькі адміністрацыйную ролю. Гэта ў першую чаргу асноўны чалец дыягнастычнай, навуковай і лячэбнай каманды, куратар лячэбных пратаколаў і навуковых праектаў, актыўны ўдзельнік кансіліумаў, камісій для развязання жыццёва важных пытанняў у дачыненні да пацыентаў анкагематалагічнага профілю. Поспех тэрапіі залежыць ад зладжанай працы калектыву, прафесіяналізму кожнага супрацоўніка і ў першую чаргу ад экспэртнага меркавання кіраўніка. За дырэктарам заўсёды заставалася апошняе слова на кансіліум у самых складаных пацыентаў і адказнасць за прынятае.

На сёння мы выкарыстоўвалі ўсе магчымыя механізмы данясення нашай пазіцыі да сістэмы і пастанова аб звальненні для многіх - адзіны спосаб выказаць сваю грамадзянскую пазіцыю. У нас не засталося ілюзій пра значнасць сваёй ролі як спецыялістаў.

Мы з аптымізмам глядзім у будучыню! Спадзяемся, што нашы дзеянні будуць спрыяць больш хуткаму аднаўленню справядлівасці, гуманістычных прынцыпаў, дэмакратычных свабодаў і росквіту нашай краіны!»

Нагадаем, 23 лістапада ў РНПЦ дзіцячай анкалогіі, гематалогіі ды імуналогіі прадставілі новага дырэктара. Частка калектыву напісала заявы на звальненне і звязала новае прызначэнне з тым, што папярэдняя дырэктарка не выкарыстоўвала супраць лекараў рэпрэсіўных захадаў праз іх грамадзянскую пазіцыю. Раней супрацоўнікаў РНПЦ не раз затрымлівалі на акцыях супраць гвалту. Новым дырэктарам стала доктар медыцынскіх навук, прафесар, галоўны пазаштатны дзіцячы эндакрынолаг Міністэрства аховы здароўя Анжэліка Сонцава. Папярэднюю дырэктарку Наталлю Каноплю пераводзяць у БелМАПА.

Напісаць каментар 16

Таксама сачыце за акаўнтамі Charter97.org у сацыяльных сетках