У мікрараёнаў у Жодзіне з'явіліся рэвалюцыйныя сцягі
- 25.11.2020, 11:15
- 21,063
Следам за Менскам беларускія гарады абзаводзяцца баявымі сцягамі.
Жодзінскі мастак намаляваў эскізы сцягоў гарадскіх раёнаў і падарыў іх гараджанам.
- У большасці гарадоў, у невялікіх раёнах, жыхары прыдумляюць сцягі ў нашай гістарычнай каляровай гаме, - распавёў ex-press.by мастак з Жодзіна Яўген. Ён надумаў стварыць сцягі раёнаў горада, каб жыхары маглі ўзяць за аснову ягоныя творы ці прыдумалі ўласныя. Пакуль у калекцыі - 8 эскізаў сцягоў.
Труба Жодзінскай ЦЭЦ - самае прыкметнае збудаванне ў раёне ГРЭС:
Сэрца, якое знаходзіцца на Алеі любові і сямейнага дабрабыту для раёна «Дзяржынка» - найлепшы сімвал:
ДНК - ланцужок і каласы - сімвалы раёна Навуковы, дзе жывуць і працуюць жодзінскія навукоўцы-селекцыянеры НПЦ у земляробстве:
«Знак якасці» з часоў СССР - на сцягу раёна вуліцы Савецкай:
І назва раёна, і яго сцяг кажуць пра тое, што побач адзіная ў Жодзіне рака - Пліса:
У сцягу гэтага раёна мастак «абыграў» ягоную назву - атрымалася гарманічна:
На сцягу Восьмага мікрараёна намаляваная лічба 8:
Графічная выява градак - у раёне Новыя градкі:
- Я не прэтэндую на аўтарства, і калі каму-небудзь што-небудзь спадабаецца з маіх эскізаў - бярыце, карыстайцеся. Калі захочаце - дапаўняйце. Я буду толькі рады, калі хтосьці захоча, таксама як і я, тварыць - для новай Беларусі, - адзначыў Яўген.
А такі эскіз сцяга мастак падарыў усім жыхарам Жодзіна. На ім адгадваецца сілуэт Іраіды Міско, якая стала адным з сімвалаў мірных пратэстаў у горадзе, сімвалам свабодных людзей, сімвалам незалежнасці Беларусі.