Белы дом даў Байдэну доступ да сакрэтных справаздач выведкі

Брыфінгі аб выведцы будуць праходзіць на рэгулярнай аснове.

Белы дом дазволіў даваць абранаму прэзідэнту ЗША ад дэмакратычнай партыі Джозэфу Байдэну доступ да штодзённых сакрэтным справаздач выведкі. Пра гэта паведамляе The Associated Press са спасылкай на самога Байдэна.

Байдэн заявіў, што цяпер ён будзе праводзіць брыфінгі аб выведцы «на рэгулярнай аснове», аднак, паводле ягоных слоў, ён яшчэ не карыстаўся гэтай магчымасцю. Са звестак агенцтва, у Байдэна будзе доступ да апошніх выведвальных звестак, якія тычацца ў тым ліку пагроз нацыянальнай бяспекі ЗША.

Дзяржсакратар ЗША Майкл Пампэя заявіў, што Дзярждэпартамэнт зробіць «усё неабходнае паводле закону» для перадачы паўнамоцтваў адміністрацыі Байдэна.

Кандыдат ад дэмакратаў, паводле звестак NBC і Fox News, першым у гісторыі ЗША атрымаў 80 млн галасоў на выбарах прэзідэнта. Папярэдні рэкорд быў усталяваны Баракам Абамам у 2008 годзе - тады ён набраў 69,5 млн галасоў.

Напярэдадні Управа агульных службаў ЗША (GSA) у асобе кіраўніка GSA Эмілі Мэрфі паведаміла штабу кандыдата ад дэмакратаў Джо Байдэну аб гатоўнасці пачаць працэдуру перадачы ўлады. Мэрфі таксама паведаміла, што GSA ужо дала Байдэну доступ да фінансаў для таго, каб пачаць працэдуру перадачы ўлады. Паводле ейных слоў, штаб Байдэна ужо можа карыстацца блізу 7,3 млн даляраў.

Кандыдат ад рэспубліканцаў, цяперашні прэзідэнт ЗША Дональд Трамп пацвердзіў, што рэкамендаваў Мэрфі і сябрам сваёй адміністрацыі «рабіць тое, што неабходна».

Прэзідэнцкія выбары прайшлі ў ЗША 3 лістапада, ужо праз чатыры дні СМІ спрагназавалі перамогу Байдэну.

Афіцыйна выбарцы прагаласуюць 14 снежня. Байдэн ужо запусціў кампанію для перадачы ўлады, аднак Трамп не раз выказваў упэўненасць у сваёй перамозе.