16 студзеня 2021, Субота, 8:16
Сім сім, Хартыя 97!
Рубрыкі

У Сеціве з'явіліся звесткі сілавікоў Ленінскага раёна Менска

7
У Сеціве з'явіліся звесткі сілавікоў Ленінскага раёна Менска

Беларусы працягваюць выкрываць удзельнікаў усіх бандфармаванняў Лукашэнкі.

Беларускія кібер-партызаны паведамілі пра публікацыі ў Сеціве асабістых звестак сілавікоў з бандфармаванняў Лукашэнкі ў Ленінскім раёне Менска:

«Збіванне студэнтаў БДТУ у калідорах універсітэта - гэта ўжо чырвоная лінія!

Апранутыя ў цывільнае оперупаўнаважаныя і ціхары - гэта сябры разбойны групоўкі ў стылі 90-х, укормленыя і ўзброеныя на грошы падаткаплацельшчыкаў, нацкаваныя на нашых студэнтаў!

Такое беззаконне недапушчальнае, таму вось наш адказ:

У знак падтрымкі і салідарнасці з усімі студэнтамі мы публікуем спіс усіх гэтых бандытаў па Ленінскім раёне. Ананімнасць больш не прыкрывае вашы злачынствы. Вашы маскі з гэтага часу празрыстыя, віншуем.

Аператыўнікі і ціхары па астатніх раёнах Менска і іншых гарадах, мы трымаем вас у поле зроку. Ад вас залежыць дэананімуем мы вас ці не. Асабліва пільна мы сочым за сітуацыяй у БДМУ і на «Гродна-Азот», - пішуць кібер-партызаны.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».