Сіноптыкі: Туман і да +15 градусаў чакаецца 26 кастрычніка ў Беларусі

Якім будзе надвор'е ў панядзелак.

Туман і да 15 градусаў цяпла чакаецца 26 кастрычніка ў Беларусі, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Найбліжэйшыя дні будзе воблачна з праясненнямі. Пераважна без ападкаў, толькі ўночы месцамі на паўднёвым захадзе пройдуць невялікія кароткачасовыя дажджы. Уночы і раніцай у асобных раёнах краіны туман.

Вецер чакаецца паўднёвы, паўднёва-ўсходні 4-9 м/с, удзень парывы да 14 м/с. Тэмпература паветра ўначы складзе 3-9 градусаў вышэй за нуль, удзень - да плюс 9-15 градусаў.