Зяленскі абвясціў аб будаўніцтве дзвюх вайсковых баз на Чорным моры
21- 20.10.2020, 16:35
- 21,875
Таксама прэзідэнт Украіны распавёў аб распрацоўцы дронаў і развіцці сістэм СПА супольна з Турцыяй.
Украіна пабудуе дзве вайскова-марскія базы на Чорным моры, заявіў прэзідэнт Уладзімір Зяленскі падчас выступу ў Вярхоўнай радзе, паведамляе 24-ы канал.
«Мы пачынаем будаваць дзве дзяржаўныя вайскова-марскія базы для абароны чарнаморскага рэгіёну», - сказаў Зяленскі.
Прэзідэнт адзначыў, што ў краіне прадаўжаецца мадэрнізацыя вайсковых суднаў, у тым ліку карабля ВМС «Гетман Сагайдачны», вядзецца падрыхтоўка дэсантных катэраў.
Са слоў Зяленскага, улады пачалі ствараць «войска, якое зможа абараніць Украіну на сушы, на вадзе, у паветры і кіберпрасторы». «Каб больш ні ў кога не ўзнікла нават думкі, што можна замахнуцца на наш суверэнітэт, на нашу тэрытарыяльную цэласнасць або забраць ва Украіны частка тэрыторыі без адзінага стрэлу», - сказаў кіраўнік Украіны.
Прэзідэнт таксама распавёў, што Украіна супольна з Турцыяй вырабляцьме карветы, вайсковыя дроны і развівацьме сістэмы СПА. «Таксама мы пачалі выраб найноўшых узораў узбраення, выпрабоўваем рэактыўную сістэму «Алешына М» і сістэмы рэактыўных набояў «Тайфун», - заявіў ён.