29 сакавiка 2024, Пятніца, 0:28
Падтрымайце
сайт
Сім сім,
Хартыя 97!
Рубрыкі

Былы «міністр ДНР» здаўся ўкраінскім выведнікам

11
Былы «міністр ДНР» здаўся ўкраінскім выведнікам
ІГАР ІВАКІН

Паплечнік акупантаў вярнуўся ў мірныя раёны Украіны дзякуючы спецаперацыі СБУ.

Контрвыведнікі Службы бяспекі Украіны падчас спецаперацыі вывелі на падкантрольную ўкраінскай уладзе тэрыторыю аднаго з былых "міністраў вугальнай прамысловасці" тэрарыстычнай арганізацыі "ДНР" Ігара Івакіна, паведамляе "Украінская праўда".

У спецслужбе паведамілі, што паплечнік акупантаў вярнуўся ў мірныя раёны Украіны дзякуючы спецаперацыі, распрацаванай СБУ. Адразу пасля вываду з так званай "ДНР" ён афіцыйна аформіў адпаведную заяву ў СБ Украіны, у якой паведаміў пра свой удзел у функцыянаванні незаконна сфармаваных на акупаваных тэрыторыях "органаў улады".

Следчыя ўстанавілі, што псеўдачыноўнік рэгулярна наведваў пасяджэнні "ўрада ДНР" і браў актыўны ўдзел у фармаванні ўнутранай палітыкі "профільнага міністэрства".

Ён, дарэчы, ажыццяўляў рэгуляванне дзейнасці прадпрыемстваў вуглездабыўной прамысловасці і размеркаванне энэргетычных рэсурсаў на часова акупаваных тэрыторыях Данецкай вобласці.

Як адзначае СБУ, пасля адхілення ад пасады зламыснік пачаў на тэрыторыі АРДЛА ўласны бізнэс, спрабаваў дыстанцыявацца ад працы ва "ўрадзе" псеўдарэспублікі і разважаў над вяртаннем на падкантрольную ўкраінскай уладзе тэрыторыю.

Мужчына падаў падрабязныя паказанні аб канкрэтных фактах непасрэднай датычнасці РФ да працэсу акупацыі асобных раёнаў Данбаса . Ён таксама паказаў дачыненне дзяржслужбоўцаў РФ, якія знаходзяцца на акупаваных тэрыторыях Данецкай вобласці ў якасці "дарадцаў", у арганізацыі злачынных схем крадзяжу бюджэтных сродкаў РФ, выдзеленых для функцыянавання аб'ектаў вугальна-прамысловага комплексу псеўдарэспублікі.

На відэа, апублікаваным СБУ, затрыманы распавядае, што быў прызначаны "міністрам" ва "ўрадзе" Аляксандра Барадая на пратэкцыю "віцэ-прэм'ера" Аляксандра Калюскага. Грамадзянін Расеі Барадай узначальваў "урад ДНР" у 2014 годзе, у той час "міністрам вугальнай прамысловасці" быў Ігар Івакін. У 2015 годзе Івакін быў унесены ў спіс асобаў, у дачыненні да якіх Украіна ўвяла санкцыі.

СБУ не называла прозвішча затрыманага, але крыніцы "Украінскай праўды" ў праваахоўных органах пацвердзілі, што ў паведамленні гаворыцца пра Івакіна.

У дачыненні да "міністра" распачатая крымінальная справа на падставе ч.1 арт. 258-3 Крымінальнага кодэкса Украіны (стварэнне тэрарыстычнай групы), прадаўжаюцца следчыя дзеянні. Праводзіцца праверка магчымай датычнасці фігуранта да ўчынення злачынстваў падчас знаходжання на "кіроўных пасадах ДНР".

Напісаць каментар 11

Таксама сачыце за акаўнтамі Charter97.org у сацыяльных сетках