Сталі вядомыя фіналісты нацыянальнага адбору на «Еўравізію»

«Еўравізія-2020» пройдзе ў Ратэрдаме ў траўні сёлета.

Сталі вядомыя фіналісты нацыянальнага адбору на «Еўравізію». Іх 12, гэта значыць у агляднай будучыні вы зможаце паназіраць тузін нумароў у жывым эфіры, а потым даведацца, хто паедзе на конкурс у Ратэрдам і прэзентуе краіну на «Еўравізіі-2020», піша «Онлайнер».

Знаёмцеся з поўным спісам і вывучайце.

Так выглядае спіс фіналістаў: Анастасія Гламозда «Burning again», Дар'я Хмяльніцкая «On Fire», Aura «Барані сваё», VAL «Да вiдна», Анжаліка Пушнова «True Love», Napoli «Dоn't let me down», Саша Захарык «Rocky Road», КейСі «Chili Pepper», Ян Яраш «Fire», Анастасія Развадоўская «Hello», Chakras «La-ley-la», Малашкевіч Анастасія «Invisible», паведамляе тэлеграм-канал Белтэлерадыёкампаніі.

Нагадаем, летась Беларусь на конкурсе «Еўравізія-2019» прэзентавала выхаванка Віктара Дробыша спявачка Зена. Яна выйшла ў фінал у Тэль-Авіве, аднак там заняла перадапошняе месца. Пераможцам конкурсу стаў нідэрландзец Дункан Лоўрэнс з песняй «Arcade», адпаведна, «Еўравізія-2020» пройдзе ў Ратэрдаме ў траўні сёлета.

А пакуль можаце вывучыць песні ўсіх фіналістаў нацыянальнага адбору і вывучыць словы годных кампазіцый.