У Беларусі стане яшчэ цяплей
7- 25.01.2020, 14:09
- 16,886
Дакладны прагноз на выходныя і пачатак тыдня.
У канцы студзеня ў Беларусі захаваецца анамальна цёплае надвор'е: на наступным тыдні ўдзень у краіне будзе цяплець нават да +7°С.
Тэмпературны фон крыху падвысіцца ў апошнія дні студзеня, пра гэта сведчаць звесткі рэспубліканскага гідраметцэнтра, паведамляе udf.by.
У Беларусі захоўваецца анамальна цёплае надвор'е з тэмпературным фонам на 5-11°С вышэй за кліматычную норму. Напярэдадні ў многіх раёнах краіны ўзмацняўся вецер парывамі да 12-19 метраў на секунду, ішоў снег і дождж. Аднак найбліжэйшыя дні пахаладання не прадбачыцца (і нават наадварот).
Прагноз надвор'я ў Беларусі на выходныя
"25 студзеня (у суботу) чакаецца воблачнае з праясненнямі надвор'е. Уночы і раніцай на большай частцы, днём месцамі, пераважна на паўночна-ўсходняй палове, пройдуць кароткачасовыя ападкі: дождж, мокры снег", - паведамілі ў Белгідраметцэнтры.
Моцны парывісты вецер захаваецца. Уночы на асобных адцінках дарог галалёдзіца. Вецер заходні парывісты, месцамі на паўночным усходзе моцны парывісты. Мінімальная тэмпература паветра ў краіне ўночы ў межах ад -3°С да + 4°С, максімальная ўдзень ад +1°С да +6°С.
У нядзелю, 26 студзеня, вецер сцiхне, а невялікі дождж з мокрым снегам магчымы толькі месцамі на паўночным усходзе Беларусі. Прагназуюцца таксама слабыя туман, галалёд і галалёдзіца. Будзе крыху халаднавата: уночы ў краіне пахаладае да -3... +2°С, удзень тэмпература паднімецца максімум да -... +4°С.
Аб надвор'і ў Беларусі на пачатку працоўнага тыдня
Ужо ў першы дзень працоўнага тыдня надвор'е стане крыху больш устойлівым. У панядзелак і аўторак кароткачасовых ападкаў чакаюць толькі месцамі па краіне.
У першай палове дня магчымы яшчэ слабыя туман і галалёд. Уначы 27 студзеня будзе -4... +2°С, удзень паказчык дасягне адзнакі ад 0°С да + 5°С. А 28 студзеня будзе цяплей: уночы тэмпература будзе знаходзіцца ў межах -2... +4°С, удзень паветра прагрэецца да +1... +7°С.
Паводле звестак доўгатэрміновага прагнозу на Gismeteo, на нступным тыдні ў Беларусі тэмпература паветра будзе вагацца ад +2°C да +9°C. У цэлым, першая дэкада лютага абяцае быць вельмі цёплай - ад +5°C да +12°C. Зрэшты, важна памятаць, што доўгатэрміновыя прагнозы нярэдка памыляюцца і не з'яўляюцца дакладнымі.