Відэафакт: У расейскім горадзе лавілі сланоў, якія ўцяклі з цырка «на волю»
5- 24.01.2020, 10:56
- 10,301
Яны качаліся ў снезе і гулялі па вуліцах.
23 студзеня ў расейскім горадзе Екацерынбургу лавілі двух сланоў, якія ўцяклі з цырка падчас пагрузкі для адпраўкі на гастролі ў Санкт-Пецярбург. Яны качаліся ў снезе і гулялі па вуліцах (паліцыі нават даводзілася перакрываць рух транспарту), пакуль іх не злавілі і не пагрузілі ў фуры. Мясцовыя жыхары запоўнілі сацыяльныя сеткі пацешнымі фота і відэа.
У адміністрацыі цырка запэўніваюць, што са сланіхамі ўсё добра. Ніякага пакарання за свой "шпацыр" яны не атрымалі, паведамляе e1.ru.