Украіна развіталася з загінулымі ў авіякатастрофе ў Іране
- 19.01.2020, 20:27
- 10,650
Разам са сваякамі ў аэрапорт прыбылі прадстаўнікі авіякампаніі МАУ і найвышэйшае кіраўніцтва Украіны.
Сёння ў аэрапорце Барыспаля сустракалі целы загінулых у авіякатастрофе Boeing 737 украінцаў. Пра гэта паведамляе прэс-служба Офіса прэзідэнта Украіны.
Liga.net выбрала некаторыя фота жалобнай цырымоніі.
Рана раніцай 8 студзеня недалёка ад міжнароднага аэрапорта ў Тэгеране разбіўся ўкраінскі пасажырскі самалёт авіякампаніі МАУ Boeing 737-800 NG рэйса PS 752. Загінулі ўсе 176 чалавек на борце. Пасля Іран прызнаў, што вайскоўцы "ненаўмысна" збілі Boeing.
15 студзеня Кабмін Украіны прыняў пастанову пра выплату родным загінулых у катастрофе ўкраінцаў кампенсацыі 200 000 грн. У той самы дзень прэзідэнт Украіны Уладзімір Зяленскі заявіў, што Украіна будзе патрабаваць ад Ірана выплаты дадатковых кампенсацый.