Іран паведаміў пра адпраўку чорных скрынь ва Украіну

Самалёт МАУ быў збіты раніцай 8 студзеня.

Чорныя скрыні Boeing «Міжнародных авіяліній Украіны», які быў збіты іранскімі вайскоўцамі пад Тэгеранам 8 студзеня адправяць ва Украіну. Пра гэта паведамляе Reuters са спасылкай на іранскае агенцтва Tasnim.

«Выкарыстоўваючы досвед Францыі, Канады і Амерыкі, мы паспрабуем расшыфраваць [чорныя скрыні] ў Кіеве», - паведамляе агенцтва словы кіраўніка аддзела расследавання здарэнняў Арганізацыі грамадзянскай авіяцыі Ірана Хасана Рэзайефара. З ягоных слоў, у тым выпадку, калі ў Кіеве спецыялісты не змогуць расшыфраваць чорныя скрыні, іх могуць накіраваць у Францыю.

Самалёт «Міжнародных авіяліній Украіны» пацярпеў катастрофу раніцай 8 студзеня пасля вылету з аэрапорта Тэгерана. На борце судна знаходзілася 176 чалавек, усе яны загінулі. 11 студзеня Іран прызнаў віну ў катастрофе самалёта.