У Беларусі перастануць выдаваць сертыфікаты аб праходжанні тэхагляду

Сертыфікаты перастануць выдаваць з 1 красавіка.

Напярэдадні новага года Лукашэнка падпісаў указ №492, які, апроч усяго іншага, скасоўвае неабходнасць афармлення талона да пасведчання кіроўцы і сертыфіката аб праходжанні дзяржаўнага тэхагляду.

Як паведаміў Уладзімір Півульскі, намеснік дырэктара УП «Белтэхагляд», да 1 красавіка, гэта значыць яшчэ тры месяцы з моманту афіцыйнага апублікавання ўказа, сертыфікат будзе выдавацца, піша sb.by. Пасля гэтай даты на рукі кіроўцы атрымаюць дазвол на допуск да ўдзелу ў дарожным руху, да таго ж новага ўзору.

Надалей пры праверцы дакументаў кіроўца будзе абавязаны падаць інспектару ДАІ толькі гэты дазвол, які, дарэчы, ужо не трэба наляпляць на лабавое шкло. На працягу апошніх двух гадоў «Белтэхагляд» рэгіструе гэты дакумент у лічбавым выглядзе ў анлайн-рэжыме. Дарэчы, за мінулы год па ўсёй краіне выдадзена 1150212 дазволаў на допуск да ўдзелу ў дарожным руху, што на 7,2% менш, чым у 2018 годзе.

«Сертыфікат аб праходжанні тэхагляду скасаваны, і гэта правільна: ён стаў анахранізмам», - разважае Уладзімір Півульскі.

Кіруючы транспартным сродкам, кіроўцу пры сабе неабходна мець пасведчанне кіроўцы, пасведчанне аб рэгістрацыі, дакумент, які пацвярджае заключэнне дамовы абавязковага страхавання грамадзянскай адказнасці, і дазвол на допуск да ўдзелу ў дарожным руху.

Нагадаем, што для фізічных асоб адбылася яшчэ важная змена: медычная даведка пры праходжанні ТА цяпер не патрабуецца. Скасаваная і неабходнасць афармлення талона да пасведчанне кіроўцы.