Гняздо Чыжа

Хто жыве ў элітным пасёлку пад Менскам, дзе «Трайпл» прадаваў шыкоўныя маёнткі.

На днях суд Лагойскага раёна пачаў разгляд пазову «Трайпла» да былога топ-мэнэджэра кампаніі Мікалая Чукісава і ягонай былой жонкі Іны Чукісавай. Сутнасць пазову ў тым, што кампанія, асноўным уладальнікам якой з'яўляецца Юры Чыж, спрабуе даказаць факт нязначнасці ўгоды ў продажы дома паміж былымі мужам і жонкай. Дом, які фігуруе ў пазове, размешчаны ў закрытым элітным пасёлку Лагожаск. У судзе было агучана нямала цікавых дэталяў, як прадавалася жыллё ў Лагожаску і як увогуле там усё арганізавана. Партал tut.by паглядзеў, што ўяўляе з сябе гэты закрыты пасёлак і хто там жыве.

Лагожаск размешчаны за 27 кіламетраў ад МКАД у Лагойскім кірунку. Яшчэ да будаўніцтва элітнага пасёлка Юры Чыж уклаўся ў стварэнне горналыжнага комплексу «Лагойск», а ўжо пасля гэтага пачаў ствараць яркія таўнхаусы і катэджы ў стылі шале.

Першапачаткова планавалася прадаваць шале за 420 тысячаў даляраў, а таўнхаусы, якія служаць ідэальным ахоўным экранам ад шумнай трасы, – за 200. Аднак пазней кошт на іх знізіўся: у 2017 годзе катэдж на 400 квадратных метраў можна было набыць за 200 тысячаў даляраў (квадратны метр – 500 даляраў. – Заўвага. TUT.BY), таўнхаус – ад 80 (без унутранага аздаблення) да 170 тысячаў даляраў (цалкам уладкаваны).

Лагожаск мясцовыя жыхары празвалі «пасёлкам Чыжа» на прынцып іншых аб'ектаў, да якіх прыклаў руку бізнэсмэн. Аднак тут спрацаваў не толькі гэты прынцып: у сям'і бізнэсмэна ў Лагожаску тры дамы – маўляў родавае гняздо.

Напэўна таму пасёлак мае закрытую тэрыторыю, і трапіць туды адкрыта не атрымаецца. Тут усяго дзве вуліцы – Цэнтральная і Азёрная. Усе дамы сям'і бізнэсмэна размешчаныя побач на Азёрнай. Дарэчы, менскі дом сям'і Чыжа таксама размешчаны на «воднай вуліцы» – Рачной.

Ва ўласнасці ў бізнэсмэна толькі адзін дом, адзін – у ягонай жонкі і адзін у дачкі Таццяны. Прычым надзел 25 сотак, дзе стаіць дом Таццяны, у арэндзе, тэрмін якой сканчаецца ў 2021 годзе.

Дом Іны Чукісавай, які фігуруе ў судзе, знаходзіцца на адной вуліцы з дамамі сям'і Юрыя Чыжа. Таму нядзіўна, што сям'і Чукісавых маглі перашкаджаць сабакі бізнэсмэна, праз парушэнне ўтрымання якіх Мікалаю Чукісаву, як ён сцвярджаў у судзе, даводзілася выклікаць міліцыю.

У суседзях у бізнэсоўца і мітрапаліт Філарэт (свецкае імя – Кірыл Вахрамееў), якому вясной 2012 года «Трайпл» прадаў закансерваваны аб'ект будаўніцтва, які стаў потым дамавой капліцай у гонар іконы Божай Маці Іверскай. Праўда, цяпер у Лагожаску мітрапаліту нічога афіцыйна не належыць: у 2016 годзе праваўладальнікам надзелу, на якім размешчаная капліца, стаў Спаса-Еўфрасіннінскі стаўрапігіяльны жаночы манастыр у Полацку. Характэрна, што надзел насупраць капліцы таксама належыць Беларускай праваслаўнай царкве. Тут можна меркаваць, што ў мітрапаліта было два надзелы – пад жыллё і капліцу, якія ён перадаў царкве.

Ёсць нерухомасць у Лагожаску і ў старшыні кіравання Прыёрбанка Сяргея Касцючэнкі. Ягоны дом размешчаны проста насупраць шале Юрыя Чыжа. Крыху далей – дом, які належыць партнёру міжнароднай кампаніі Андрэю Алешкіну, які спецыялізуецца на камерцыйнай нерухомасці. У суседзях у яго IT-бізнэсмэн і венчурны інвестар Юры Мельнічак. Дарэчы, у сям'і Юрыя ў Лагожаску два дамы, адзін з іх ён спрабуе прадаць за 200 тысячаў даляраў.

Не абышлося ў элітным пасёлку і без спартоўцаў: на Азёрнай размешчаны маёнтак вядомага футбаліста Максіма Жаўнерчыка. Ёсць у Лагожаску дом і ў Віктара Кулуева. Як мінімум у 2013 годзе ён займаў пасаду старшыні рады дырэктараў ЗАТ «Гандлёвы дом БелАЗ». Адносна нядаўна дом у пасёлку ў іпатэку набыў Андрэй Гулевіч – намеснік гендырэктара кампаніі «Сервалюкс», якая займаецца вытворчасцю прадукцыі з курыцы пад брэндам «Пятруха».